Gjëmon Shevchenko: “Leao nuk është lider. Te Milani nuk mund të ecësh”

Andriy Shevchenko, ish-sulmuesi i madh kuqezi, ka dhënë sot një intervistë të gjatë dhe interesante për mikrofonat e kolegëve të redaksisë sportive të të përditshmes gjeneraliste ‘La Stampa’, duke u ndalur veçanërisht te Milani i ‘tij’ dhe mbi atë që nuk po shkon mirë deri në këtë moment. Ja pra, çfarë thotë ish kampioni dhe legjenda e Milanit.

Ish Milan, Shevchenko kritikon Leaon dhe qëndrimin e tij: “Dëshiron të jetë lider apo jo?”

“Më vjen keq për Fonsecën. E njoh, është një njeri me korrektësi dhe vlera të mëdha. Më duket se u përpoq të bënte më të mirën për të zgjidhur problemet që nuk i solli ai dhe që janë ende. Shpresoj që kthesa të shërbejë. Conceição në Superkupë, dha një injeksion energjie por Milanit i mungon vazhdimësia”.

Nëse Leao mund të jetë një problem: “Nëse Leao dëshiron të jetë një lojtar i rëndësishëm dhe të bëjë histori e Milanit, duhet të japë shumë më tepër. Cilësia nuk diskutohet, por nuk është një lider. Mund të bëhet nëse merr përgjegjësi, por çështja është: a e dëshiron ai?

Për dënimet e Paulo Fonsecës: “Çdo trajner ka qasjen e tij. Mbetet fakti që futbolli është i thjeshtë, të paktën është gjithçka që i sillet qark. Të shëtisësh gjatë një ndeshjeje nuk është e pranueshme, nëse luan për Milanin ka presion, çdo herë që zbret në fushë dhe duhet të dëshirosh vetëm atë që ke përpara. Te Milan, te Inter, te Juve, ke vëmendjen, kontekstin më të mirë, stadiumin plot që të pret. Çfarë do më shumë? Është bukuria absolute”.

Për Interin: “Është i vetëdijshëm për mjetet që ka, skuadra është e lidhur ngushtë, me me një trajner që ka pasur kohë të lërë gjurmë. Kanë diçka më shumë se të tjerët dhe pas finales së Champions të përjetuar në kushte të barabarta me Manchester City, e dinë”.