Gimenez, konfirmohet besimi: El Bebote, në Udine për revansh

Imazhi i fundit i Santiago Gimenez kundër Bolonjës ishte shansi kur goditi shtyllën pasi skartoi portierin kundërshtar: më pas erdhi zëvendësimi, bashkë me disa fërshëllima nga publiku i San Siros, por ato u shuan shpejt nga duartrokitjet që nisën fillimisht me Luka Modric në fushë e më pas me Massimiliano Allegri në stol.

Në Udine do të jetë përsëri meksikani, nga fillimi, me shpresën që të mund të gjejë golin i cili do t’i japë tjetër frymëmarrje.

Lexo më shumë

Max, kundërshtar pas dymbëdhjetë vjetësh: ja ku mbështetet Allegri kundër Juventusit

Tare në Mediaset: “Çfarë emocioni të rikthehem në Olimpico. Jashari? Kemi besim të madh te ai. Për rinovimin e Sul Maignan ju them që…”

E BUJSHME / Mallkimi i 9-ës! Për herë të parë në mbi 100 vjet histori, Milani nuk ka një numër 9 në skuadër: nga lavdia e përjetshme te pasardhësit e harruar

Milan, që nga kohët e Montellës, asnjë trajner fituar ndeshjen e tij të parë në Serie A

Milan, ditët e Kondorit po afrohen: fillimisht shitja e Monzës, pastaj Galiani rikthehet kuqezi. Ja roli që do ketë

Titullar

Pra edhe nesër, sipas zërave të vigjiljes së ndeshjes, kur Milani të përballet me Udinezen në transfertë, në 20:45, për javën e katërt të Serie A, do të jetë Santiago Gimenez titullar.

E vërteta është që vendimi i Allegrit diktohet më shumë nga rrethanat e jashtme dhe derisa Rafael Leao të jetë jashtë për shkak të dëmtimit në pulpë dhe përderisa Christopher Nkunku të mos rifitojë formën maksimale, meksikani e ka detyrën të përfitojë nga kjo situatë, që e sheh në fushë çdo javë nga minuta e parë.

Në ndeshjet e këtij fillim sezoni, qoftë për shkak të pozicionit jashtë loje apo pasaktësisë të tij, Gimenez shpesh i është afruar golit, por që ende nuk e ka gjetur. Shpresa është që ky gol të rigjendet në Udine dhe me të edhe një dozë e mirë besimi.

Arsyeja

Duartrokitjeve të bëra bashkë me Modric kur u zëvendësua, Allegri i shtoi edhe fjalët e tij sot në konferencën për shtyp. Të pakta dhe koncize, konkrete siç i pëlqen Max: “Ka pasur kaq shumë raste, duhet të qëndrojë i qetë sepse gjithmonë ka bërë gola dhe gola të tjerë do të bëjë”

Kjo është rruga e trajneri dhe fakti që ka çdo jave një shans të ri duhet të jetë një stimul më shumë për El Bebote, që dëshiron të rilindë. Kushtet e sulmuesit, të rikthyer në Milanello vetëm në fillim të gushtit për shkak të Gold Cup, po përmirësohen dhe shpresohet që të jetë faktori determinant në rritjen e performancave të numrit 7.

Ndërkohë, Allegri do t’i besojë atij dhe sigurisë Pulisic në përpjekje për të shembur një mur rezistent si ai i Udinezes.