Gati të nisë: gjithçka është në duart e Allegrit. Merkato: mesfushori i së ardhmes. Tre blerje të tjera

Jemi gati, të dielën në San Siro rifillon sezoni i Milanit. Shpresojmë të shohim një skuadër të vërtetë, të bashkuar e që mendon vetëm për të mirën e Milanit. Garancia është Max Allegri, i rikthyer Rossoner me dëshirë të madhe. Shpresa është ai.

I gjithë projekti është në duart e trajnerit livornez, që do të duhet të jetë i zoti në menaxhimin e një grupi të ri, të modifikuar rrënjësisht nga viti i kaluar. Gjatë verës, kanë ndodhur shumë largime, disa të dhimbshme, por ka pasur edhe ardhje të rëndësishme. Mbi të gjithë, Ardon Jashari.

Goditja e vërtetë e verës është ai dhe jo vetëm për shkak të telenovelës së pafundme të merkatos me Club Brugge. Jashari është vërtet i fortë, një lojtar vërtet i shkëlqyer. Është mesfushori i së tashmes dhe i të ardhmes, një lojtar që mund të bëjë diferencën në skuadrën e Allegrit.

Lexo më shumë

Milani im, mes ëndrrës dhe realitetit… të ashpër

Elliott dhe Red Bird, dy pronësitë “koprace” që kanë shpenzuar më shumë në historinë e Milanit

Milan, nis loja e fortë! Një udhëzues praktik: Si ta ndalojmë eksodin e lojtarëve

Lamtumirë Diogo Jota: futbolli ndalet, jeta na kërkon të reflektojmë

Milan, qershori është muaji i shitjeve, korriku, muaji i blerjeve

Në 60 minuta kundër Leeds, pamë një lojtar me personalitet të madh edhe vetë trajneri i Rossonerëve u mahnit nga shpejtësia me të cilën Jashari u bë pjesë karakteriale e skuadrës. Ndoshta shuma e paguar nga klubi milanist është e madhe, por tani do të jetë fusha dhe shifrat t’i lëmë pas krahëve.

Për momentin, janë pesë lojtarë të blerë zyrtarisht, por shpejt do të mbërrijnë edhe tre lojtarë të tjerë. Milani, si minimum, do ta mbyllë me të paktën tetë blerje, përveç ndonjë surprize tjetër në këto njëzet ditët e fundit të gushtit.

Dy lojtarët e tjerë që do të mbërrijnë në Milano për vizitat mjekësore do të jenë Athekame i Young Boys dhe De Winter nga Genoa, të cilët do të zëvendësojnë përkatësisht Emerson Royal dhe Malick Thiaw. Operacionet kanë përfunduar, janë vulosur. Po zbarkojnë në qytet.

Blerja e tetë duhet të jetë Hojlund. Mbi sulmuesin danez Djalli po shtyn fort për ta bindur dhe mund të ketë një hapje prej sulmuesit të Manchester United. 22-vjeçari është objektivi final i merkatos verore dhe do të vijë me formulën e huazimit me të drejtë blerjeje.

Edhe në frontin e transferimeve është bërë një pastrim i plotë. Shumë degë të tepërta janë hequr dhe do të duhet të krasiten ende edhe disa degë të tjera të thata.