Fundi i një epoke. Lamtumira e Daniel mbyll dinastinë Maldini pas 70 vjetësh: kronikat e një familjeje legjendare

Edhe pse stërvitet ende me kuqezinjtë, të gjitha shenjat çojnë në Monzë. Negociatat po konkretizohen pikërisht ashtu siç e kishim parashikuar gjatë javëve të fundit, pas 6 muajsh rendimenti të rëndësishëm te bardhekuqtë. Kishte edhe të tjerë pretendentë, mbi të gjitha Genova dhe Torino, por në fund do të rikthehet në Monza, ku gjeti rendimentin e tij më të mirë. Me këtë transferim mbyllet një epokë që zgjati 70 vjet, 70 vite në të cilat me ndonjë rol apo angazhim, gjithmonë një pjesëtar i familjes Maldini ka qenë i pranishëm te Milani.

I pari i klanit natyrisht është i madh Cesare, që ka prezantuar ngjyrat kuqezi me vazhdimësi nga viti 1954 deri më 1974, për 12 sezone si futbollist, më pas 8 vite të tjera si bashkëpunëtor teknik, ndihmës trajner dhe trajner. Mbi 400 ndeshje me fanellën e Milanit, Kapiteni i të parës Kupë Kampionesh të një ekipi italian, të ngritur në Wembley në maj 1963. Në karrierën e tij në nivel kombëtar me klubin ai fitoi 4 kampionate dhe një kupë Italie. Në nivel ndërkombëtar, një Kupë e Kampionesh, një Kupë Latine dhe një Kupë të Kupave. Në fund, e mbylli angazhimit të tij me klubin me disa muaj si drejtor teknik më 2001, duke lënë gjurmë të pashlyeshme në maj të po atij viti, kur fitonte 6-0 derbin e famshëm si trajner.

I biri, Paolo debutoi në ekipin e parë më 20 janar 1985 në Udine pak më i madh se gjashtëmbëdhjetë vjeç. Për të plot 6 sezone në ekipin e të rinjve nga viti 1978 deri më 1984, të pasuar pasuar nga 25 sezone si senior, deri më 2009. E veshi 902 herë fanellën e Milanit (rekord absolut i të gjitha kohërave), të vetmen dhe ekskluzive fanellën të karrierës së tij të jashtëzakonshme. 26 trofe të ngritur në qiellin kuqezi, përfshirë 7 kampionate, një kupë italiane, 5 superkupa italiane, 5 Champions League, 5 Superkupa të Evropës, 2 Kupa Interkontinentale dhe një Botëror për Klube. Kapiten, flamur dhe ikonë, e ka lidhur përgjithmonë dhe pazgjidhshmërisht emrin e tij me klubin edhe si drejtues, me kampionatin 2021/22, i fundit në histori tonë deri më sot.

Dinastianë e mbyll me nder Daniel. 10 sezone në ekipin e të rinjve, nga viti 2010 në 2020, më pas 3 të tjera në ekipin e parë, duke e veshur 24 herë fanellën e Milanit, në të gjitha kompeticionet, me një gol në sezonin 21/22 të Skudetos, vendimtar për 3 pikët në Spezia. Daniel po legjitimon karrierën e tij si një profesionist i nivelit të lartë dhe ndoshta po lulëzon si futbollist muajt e fundit. Rritja e tij është objektive dhe është e trishtueshme që nuk mund të gjejë hapësirë ​​në këtë Milan. Ndoshta është penalizuar pjesërisht duke mos pasur ende një rol të përcaktuar, pak mesfushor sulmues dhe pak sulmues i majtë. Ka mundësi që ta mbyllë përkohësisht karrierën e tij milaniste Milan me asistin e dhënë ndaj Florenzit në miqësoren me Austria Vienna të mbyllur 1-1. Ndërsa, për më romantikët mund të jetë vetëm një mirupafshim, ku i dihet, ndoshta Maldini legacy do të pësojë vetëm një pauzë. Shihemi së shpejti Daniel!