Fofana si uji në shkretëtirë, ​​ i ka munguar shumë këtij Milani. Bashkë me Pulisic, është assist-man më i mirë rossoner

Për këtë fund të rëndësishëm sezoni, me Coppa Italia si objektivin e vetëm të vërtetë të grupit të Sergio Conceiçao, Rossonerët mund (për fat të mirë) të mbështeten ende në performancën e Youssouf Fofana. Po. Mesfushori francez ka qenë fari i vërtetë i mesfushës milaniste, lojtari plus si me Fonsecën ashtu dhe me Conceiçao. Ndër lojtarët që kanë mbërritur në Milano këtë sezon, Fofana ka qenë padyshim ndër më pozitivët për atë që ka treguar deri më tani. Vetëm një gol, por plot nëntë asiste sezonale. Vëmendje mbi numrin 29 milanist.

Lojtari plus i këtij Milani

Pas një periudhe fiziologjike rënieje fizike, Youssouf Fofana është rikthyer të bëjë diferencën në zemër të mesfushës rossonere. Mesfushori francez, i ardhru te Milani për të garantuar kualitet dhe intensitet, po ndikon edhe një herë në mënyrë vendimtare në fatet e skuadrës, duke u konfirmuar si një nga protagonistët absolutë të sezonit. Shumë mirë kundër Venezias, i çmuar në derbin e Kupës kundër Interit. Kësaj skuadre i ka munguar Fofana si uji shkretëtirës.

Assist-man bashkë me Pulisic

Me gjashtë asiste në Serie A, Fofana është aktualisht njeriu asist i Milanit, bashkë me Christian Pulisic (9 në total), një shifër që dëshmon influencën e tij në rritje edhe në fazën ofensive. Por kontributi i tij shkon përtej shifrave: Fofana është shtylla kryesore taktike e mesfushës së Milanit, një klasik box-to-box, i zoti të diktojë ritmet e lojës dhe në të njëjtën kohë të thyejë kurthet kundërshtare me efektivitet të madh. Rikthimi i tij në nivelet e fillim-sezonit është një lajm i shkëlqyer për Milanin, i cili mbështetet në energjinë, vizionin dhe dinamizmin e tij në prag të finales së kampionatit. Me një Fofana si ky, mesfusha kuqezi e ka gjetur përsëri motorin e saj kryesor, për atë që do të jetë një finale themelore e sezonit për Milanin, me finalen e Kupës së Italisë.