Enigma Jashari! Kur do të rikthehet talenti i mesfushës? Objektivi i Ardon dhe pozicioni i përcaktuar nga Allegri

Ardon Jashari ishte një nga blerjet e mëdha të Milanit në merkaton verore, i cili zbarkoi në Milanello pas negociatave të pafundta me Club Brugge.

Për tani, Max Allegri praktikisht nuk e ka pasur kurrë në dispozicion përveç dy ndeshjeve të para të sezonit kundër Barit dhe Cremonezes, në të cilat zviceranët luajtën vetëm disa copëza në pjesën e dytë.

Lexo më shumë

“Dy pike të humbura…?”: Allegri ka dyshimet e tij, shikon përtej dhe e shndërron barazimin me Sassuolo në një mesazh force

Milan i ri, Scudeto e re | Rregullat e Max për ditët e stërvitjes verore Rossonere

Milan-Roma: Gjithçka që ndodh në San Siro dhe si ta shikoni falas

Leao i bën të gjitha: tani lufton, krijon dhe shënon. Problemi? Është vetëm në sulm

Reputacion dhe histori! Vetëm Milani, pas Real Madridit – Luka Modric pa limite: ja çfarë thotë legjenda e mesfushës

Pastaj, në fund të gushtit, mbërriti dëmtimi serioz, pas një përplasjeje në stërvitje me meksikanin e sulmit, Santiago Gimenez.

RIKTHIMI AFËR

Shërimi i tij po ecën mirë dhe pa probleme. Kur do ta shohim përsëri në fushë?

Sipas specialistëve, Jashari synon të kthehet midis të grumbulluarve të Allegrit për në ndeshjen në shtëpi kundër Romës, 2 nëntorin e ardhshëm.

Nëse nuk ia del, disa ditë më vonë (8 nëntor), do të jetë ndeshja në transfertë kundër Parmës përndryshe rikthimi i tij do të shtyhet deri pas ndërprerjeve të kombëtareve, atëherë kur jetë edhe derbi i Milanos (23 nëntor).

Stafi mjekësor i Milanit nuk dëshiron të ndërmarrë rreziqe, kështu që lojtari do të rikthehet në fushë vetëm atëherë kur të jetë mirë.

KU DO TË LUAJË?

Por është një tjetër pyetje ajo që bëjnë tifozët e Djallit: ku do të luajë Ardon kur të rikthehet në fushë?

Në këtë fillim sezoni, treshja e mesfushës e përbërë nga Youssouf Fofana, Luka Modric dhe Adrien Rabiot duket vërtet e pazëvendësueshme, aq sa lojtarë si Samuele Ricci dhe Ruben Loftus-Cheek po hasin nëpër shumë vështirësi për të gjetur hapësira.

Mirëpo sipas kolegëve të të përditshmes së rëndësishme sportive Tuttosport, “në mendjen e Allegrit, në lojën hipotetike të gjashtë mesfushorëve që ai ka në dispozicion, Jashari do të duhet të ishte alter egoja e Luka Modric, edhe falë spostimit të Riccit – ideologjik dhe në rol – në baterinë e gjysmëanësorëve”.

Konkurrenca është e shumtë dhe e ashpër, ndaj Jashari do të duhet të shtrëngojë dhëmbët dhe të luftojë shumë për të pasur shanset e tij.