Eh, i dashur Inter, ky është Hakan Calhanoglu: shitet për “pak” lekë

Më 22 qershor 2021, Hakan Calhanoglu kaloi papritmas ylberin, domethënë kaloi nga Milani te Inter me një transferim të lirë, për vetëm një grusht më shumë lekë në pjesën pagës, duke bërë kështu që të shpërthejë zemërimi i tifozëve kuqezi. Tri vjet më vonë, turku – të cilin aktualisht interistët e konsiderojnë si mesfushorin më të fortë në botë (dhe për këtë ata janë të bindur…) – mund ta përsërisë të njejtën gjë që bëri tri vjet më parë, por kësaj rradhe duke kaluar te Bayern Munich për një milion më shumë për në kasafortë.

Sigurisht, që për ne milanistët nuk do të ishte më një zhgënjim, përkundrazi… Jemi, në fakt, mësuar tashmë me karakterin e Calhanoglu. Sigurisht, është një lojtar i madh, që nën drejtimin e Simone Inzaghit ka arritur një nivel të caktuar pjekurie dhe, aktualisht, mund të përfshihet edhe në listën e 5 mesfushorëve më të mirë në Evropë. Por, partë janë një dobësi apo, ndoshta, një pikë e fortë e turkut. Po, sepse Hakan është ky: mund të bëjë një sezon të bujshëm – si ai i Interit, të mbyllur me 13 gola dhe 3 asiste në kampionat – e më pas të vendosë ta braktisë anijen për fare pak më shumë para. Sipas zërave të fundit, në fakt, Bayern Munich do të ishte gati t’i ofronte një pagë prej 8.5 milionë euro në sezon, në krahasim me 7 që turku tashmë merr te Interi.

Çmimi i vendosur nga Interi për të lënë Calhanoglu të largohet është rreth 60/70 milionë euro. Hakan pra mund edhe ta braktiste Milanin nën zemërimin e plotë të tifozëve, këtë herë jo kuqezinj, të cilët mund të kënaqeshin – por zikaltër.

Largimi i mundshëm i Hakanit është paksa pasqyra e asaj që në fakt po bëhet futbolli sot: një biznes në të cilin skuadrat nuk janë më klube futbolli, por kompani dhe aktorë në këtë biznes nuk janë më futbollistët që ndjekin pasionin – me përjashtim të disave – por futbollistët që shkojnë aty ku janë lekët…