Ishte një nga lojtarët më të mirë të Milanit për këtë sezon. I vetmi, së bashku me Reijnders, që kaloi pragun mjaftueshëm për vazhdimësi dhe performancë në një nga vitet më të këqija në historinë e klubit Rossoner. Gola dhe asiste, por jo vetëm: lojëra të nivelit të lartë, disponueshmëri nga pikëpamja taktike dhe përshtatje në çdo situatë. Me Paulo Fonsecën po bënte një rrugëtim shumë interesant në një pozicion më qendror, pastaj me Conceicao u rikthye në të djathtën e gjerë, si në kohën e Stefano Pioli: pavarësisht këtyre ndryshimeve, gjithmonë ka arritur të ketë vazhdimësi të shkëlqyer dhe të jetë një pikë referimi për skuadrën, për trajnerin e rradhës dhe për tifozët.
Po flasim pikërisht për amerikanin Christian Pulisic, i ardhur dy vjet më parë për rreth 20 milionë nga Chelsea dhe mund të konsiderohet si një nga blerjet më të mira (nga të paktat) të drejtuesve aktualë. Dhe, si me Reijnders, klubi nuhat një fitim të madh. Ashtu si në rastin e holandezit, edhe me Pulisic disa muaj më parë u bë gjithçka për rinovimin: nëse Tijji nënshkroi, amerikani vendosi të mos e bënte. Pse? Ja shpjegimi që jep eksperti i merkatos, gazetari Matteo Moretto.
Pse Pulisic nuk ka rinovuar? Më në fund e vërteta
Lexo më shumë
Çështja e rinovimit të Pulisic është shumë e ngjashme me atë të Mike Maignan, por me një ndryshim substancial: nëse për portierin ishte Milani që u tërhoq dhe i ndërpreu negociatat (duke mos arritur kurrë te firmat), për ish Chelsea-n ishte ai vetë që bëri një pushim për të reflektuar para se të lidhej me Milanin me një kontratë më të gjatë. Pulisic, i cili e kishte kuptuar trendin e sezonit dhe perspektivat e ardhshme që ishin gjithçka tjetër përveçse të shkëlqyera, mori kohën e tij.
Për ta shpjeguar në mënyrë shumë të qartë ka menduar gazetari dhe eksperti i merkatos Matteo Moretto, në përgjigjen ndaj një përdoruesi në X: “Prej muajsh të tërë Pulisic mund ta kishte firmosur rinovimin, sepse gjithçka ishte gati… i kishin diskutuar praktikisht të gjitha detajet e kontratës, por djaloshi mori kohën e tij dhe kërkoi garanci teknike”. Shkurt, nënshkrimi i Pulisic për rinovimin dështoi për shkak të vullnetit të tij dhe jo për shkak të Milanit: Rossonerët, me të provuan të njëjtën strategji ashtu si me Reijnders, domethënë, duke e bërë të nënshkruante rinovimin (skadenca aktuale: 2027) për të pasur fuqi më të madhe negociuese në rast të një oferte. Por, ndryshe nga holandezi, Christian zgjodhi të mos nënshkruante dhe të mendonte para se të ndërmerrte të njëjtin hap. Amerikani sigurisht që ka merkato: për momentin nuk ka mbërritur asnjë ofertë, por diçka nga Premier League pritet të vijnë lumë.
