Mesa duket ndeshja Genoa – Milan është e destinuar të hyjë në histori. Nga Giroud si portier te kreu vetmitar i klasifikimit të kampionatit, para pushimit për shkak të ndeshjeve të kombëtareve, sfida në Marassi nuk do të harrohet edhe për disa kohë. Për shkak se ka patur disa episode arbitrare që kanë shkaktuar diskutime të pafundme edhe sot e kësaj dite, si goli i dhënë për Pulisiç përkundër topit “gjoja” të me dorë, apo kartoni i kuq ndaj Martinez që iu dha portierit teksa Leao i vetëm po fluturonte drejt portës pak minuta nga fundi i ndeshjes për të shënuar edhe golin e dytë.
Goli i Pulisic që i dhuroi tre pikët skuadrës së Piolit vazhdon të bëjë ende që të diskutohet. Mirëpo imazhet, nuk tregojnë në asnjë rast se amerikani e ka prekur topin me krah. Dhe, siç ka ripërsëritur dizajneri i AIA-s, Gianluca Rocchi, në këto raste mbizotëron vendimi i marrë në fushë nëse nuk ka qartësi nga videot. Ndër episodet arbitrare nuk mund të mos përmendet kartoni i kuq i dhënë për Maignan, për një faull të qartë ndaj Ekuban dhe që e la Milanin me 10 lojtarë pak minuta para përfundimit të ndeshjes. Edhe në atë rast po e pranojmë se ekipi i arbitrave mori vendimin e duhur.
Mirëpo është një situatë që e ka penalizuar fort Milanin: kartoni i kuq i dhënë për Martinez. Portieri bëri një faull të qartë ndaj Musah në kohën shtesë, gjë që besohet se e detyroi arbitrin të japë kartonin e dytë të verdhë për të. Mirëpo topi gjendej mes këmbëve të Rafa Leaos, i cili po fluturonte drejt portës kundërshtare pa portier. Do të ishte më e drejtë të lejohej avantazhi e më pas të përjashtonhej portieri spanjoll.
BËHU PJESË E KLUBIT ONLINE MILANISTAT.COM, PËR TË MARRË ÇDO DITË, NË ÇDO MOMENT TË DITËS, TË REJAT MË TË FUNDIT QË REDAKSIA MILANISTAT.COM, ME BASHKËPUNËTORË NË ROMË, MILANO, BERLIN, LONDËR DHE NJU JORK, MUND T’JU OFROJË NË ÇDO MOMENT TË DITËS. MJAFTON TË KLIKOSH NË LINKUN KËTU>>>>, OSE TË KLIKOSH KËTU>>>>
