E bujshme: shkarkohet Mourinho, ndryshojnë planet për ndryshimin e timonit

I mbërritur në Turqi mes entuziazmit të madh të tifozëve të Fenerit, Special One ka nisur të zhgënjejë në kampionat ku shanset për të fituar titullin po pakësohen ditë pas dite. Në xhiron e fundit të kampionatit, mbërriti një 2-2 zhgënjyes zbulimit Samsunspor, aktualisht i treti dhe me dy pikë më shumë se Fenerbahce, gjë që bëri që tifozët të rrudhnin hundët.

Një barazim i hidhur që i mundësoi krerëve të kampionatit, Galatasaray, të shtyrë nga golat e Icardit dhe Osimhen, autor i një goli në roveshatë në ndeshjen e fundit të zhvilluar, që ta rrisin distancën në klasifikim në +8. Ndërkohë që edhe Besiktas, fitimtar ndaj Konyasporit, është shkëputur nga Fenerbahçe në +3, ndaj dhe tifozët e Kanarinave sigurisht që nuk mund të jenë të lumtur.

Situata e Mourinhos po bëhet e rrezikshme dhe, ndonëse drejtuesit e klubit e kanë përkrahur vazhdimisht në çdo deklaratë të tyren, nuk mund të përjashtohet një shkarkim i bujshëm nëse gjërat precipitojnë më shumë.

Fenerbahce, Mourinho në rrezik shkarkimi: Special One po lëkundet

Diferenca prej tetë pikësh nga krerët e Galatasaray, përveç përplasjes direkte të humbur, e ka vënë në rrezik serioz José Mourinhon në pankinën e Fenerbahçes. Entuziazmi që ishte në fillim për ardhjen e Special One duket se është zbehur plotësisht dhe tashmë ish-trajneri i Interit, Manchester Unitedit dhe Romës rrezikon seriozisht të koleksionojë një tjetër shkarkim.

Mourinho është sulmuar edhe nga disa ish-yje të Fenerbahçes si Volkan Demirel apo Sergen Yacin të cilët nuk i kanë kursyer fjalët për ta bërë të qartë se ish-skuadra e tyre ndodhet në një moment të vështirë. Ish-portieri ka deklaruar se si për momentin Fenerbahçe është “përzierje e pakënaqësisë dhe dorëzimit”, ndërsa i dyti ka qenë edhe më i ashpër duke thënë se nuk është e mundur të shpenzosh kaq shumë para në merkato dhe ta shohësh skuadrën të luajë kështu, duke i quajtur të drejta kritikat ndaj Mourinhos.

Specialisti përfton një pagë shumë të lartë, rreth 10.5 milionë euro në sezon plus bonuse dhe është legjitime që drejtuesit e klubit, por edhe tifozët të presin shumë më tepër nga dikush që përfiton shuma kaq të mëdha. Madje edhe shtypi ka filluar të kritikojë rëndshëm Mourinhon, i cili shpesh ankohet për arbitrat ashtu siç bënte në Itali. Fenebahce mund edhe ta konsiderojë shkarkimin e tij nëse gjërat do të përkeqësoheshin edhe më shumë.

Pankina e Mourinhos po tronditet shumë dhe tani i takon Special One të shpëtojë lëkurën dhe të tregojë se mund të jetë ende një trajner i aftë për të bërë diferencën.