E bujshme: një tjetër hollandez në vend të Reijnders – Milan në gjueti për t’u rikthyer në majë

Pas një sezoni zhgënjyes që la shumë për të dëshiruar, drejtuesit e Milanit kanë nisur menjëherë punën për ta rikthyer klubin ku historikisht i takon: në majat e futbollit evropian. Merkato e kuqezinjve pritet të jetë e zjarrtë dhe plot lëvizje, me përforcime të rëndësishme në çdo repart, sidomos në mesfushë – ku trajneri Massimiliano Allegri kërkon të ndërtojë boshtin e ekipit të tij.

Një prej lajmeve më të bujshme të momentit ka të bëjë me Tijjani Reijnders, protagonist absolut në sezonin e kaluar, i cili është shumë pranë një transferimi të bujshëm te Manchester City. Klubi anglez është gati të ofrojë rreth 70 milionë euro për shërbimet e mesfushorit holandez, një shifër që vështirë të refuzohet nga drejtuesit e Milanit.

Me largimin e mundshëm të Reijnders, në “Casa Milan” është ndezur alarmi për të gjetur një zëvendësues të denjë. Dhe këtu hyn në lojë një emër surprizë që vjen sërish nga Eredivisie: Malik Tillman, mesfushori i ri dhe eksploziv i PSV Eindhoven. I rritur në akademinë e Bayern Munich dhe me paraqitje shumë pozitive në kampionatin holandez, Tillman shihet si profili ideal për të zëvendësuar Reijnders. Vlera e tij në merkato vlerësohet në 25-30 milionë euro, një investim që Milani është gati ta bëjë për të garantuar cilësi dhe perspektivë në qendër të fushës.

Lexo më shumë

Gjendja shëndetësore, dëmtimet, sherre me shokët e skuadrës… ja pse Leverkusen do që ta shesë Bonifacen

Milan-Boniface, marrëveshja afër mbylljes: shifrat, formula dhe prapaskena

Merkato | Milani kërkon të bëjë një goditje yjore: “Ja kë do!”

Milani dhe qendërsulmuesit, Darwin Nunez po shkel syrin: dhe Morata drejt fundit të lumtur

Pse Milani mund ta ëndërrojë qendërsulmuesin që kërkon prej kohësh. Zbulimi i rëndësishëm që mund të ndryshojë gjërat

Por merkatoja e Milanit nuk ndalet këtu. Drejtori sportiv Igli Tare, i njohur për nuhatjen e tij të veçantë në treg, është gjithmonë vigjilent dhe po punon në heshtje për të sjellë edhe goditje të tjera të mëdha, veçanërisht në mbrojtje dhe në sulm, ku priten surpriza të mëdha. Në prapavijë do të kërkohen përforcime me eksperiencë ndërkombëtare, ndërsa sulmi – një tjetër repart kritik – mund të përjetojë një revolucion të vërtetë.

E sigurt është se Milan nuk do të qëndrojë pasiv këtë verë. Me një trajner të ri në stol, një drejtues teknik ambicioz dhe një merkato të hapur për mundësi të mëdha, tifozët kuqezinj mund të presin me optimizëm një verë të zjarrtë dhe një sezon të ardhshëm ndryshe, ku objektivat janë të qarta: të rikthehen në garën për titullin dhe të bëjnë emër në Europë.