Milani do të ishte duke lëvizur me vendosmëri dhe vizion në këtë merkato verore, duke dëshmuar se objektivat janë të qarta dhe ambicioze. Sipas zërave që rrjedhin papushim nga Casa Milan, kuqezinjtë kanë rilançuar interesimin e tyre për anësorin, për të cilin kanë qenë të interesuar qysh gjatë merkatos së kaluar dimërore.
Sipas raportimeve më të fundit, drejtuesit e Milanit do të kishin përgatitur një ofertë prej 25 milionë eurosh për shërbimet e sulmuesit 24-vjeçar Ferran Torres të Barcelonës, i cili shihet si një profil ideal për të forcuar krahët e sulmit rossoner. Mirëpo Barça, nuk duket se do të ishte gatshme ta lërë të largohet me atë shumë. Katalanasit do të kërkonin të paktën 30 milionë euro për të lënë të lirë Torres, një shumë që mund të përbënte një kompromis të arritshëm për palët, veçanërisht nëse Milani do të përshpejtojë procesin në ditët në vijim.
Ferran Torres, i cili ka pasur një sezon të luhatshëm me Barcelonën për shkak të konkurrencës së lartë dhe ndryshimeve taktike, mund ta rigjente veten te Milani, në një skuadër që po ndërtohet me kujdes për të konkurruar në nivel të lartë në Serie A dhe në Europë.
BËHU PJESË E KLUBIT ONLINE MILANISTAT.COM, PËR TË MARRË ÇDO DITË, NË ÇDO MOMENT TË DITËS, TË REJAT MË TË FUNDIT QË REDAKSIA MILANISTAT.COM, ME BASHKËPUNËTORË NË ROMË, MILANO, BERLIN, LONDËR DHE NJU JORK, MUND T’JU OFROJË NË ÇDO MOMENT TË DITËS. MJAFTON TË KLIKOSH NË LINKUN KËTU>>>>, OSE TË KLIKOSH KËTU>>>>
Por merkatoja kuqezi nuk ndalet me kaq. Përveç përforcimeve në sulm, drejtuesit e klubit do të ishin duke punuar edhe për konsolidimin e mesfushës, veçanërisht për rolin e regjisorit. Emri i Luka Modric është tashmë i konfirmuar si një objektiv serioz, ndërsa në listë do të ishin edhe dy alternativa të tjera të profilit të ngjashëm: Granit Xhaka i cili aktualisht aktivizohet me Bayer Leverkusen dhe Samuele Ricci i Torinos.
Zgjedhjet që po bën Milani tregojnë një strategji të balancuar mes përvojës dhe perspektivës. Përforcimi me një lojtar si Modric do t’i jepte skuadrës eksperiencën dhe qetësinë e një dirigjenti të vërtetë, ndërsa Ricci dhe Xhaka ofrojnë freski, intensitet dhe stabilitet në mesfushë.
BËHU PJESË E KLUBIT ONLINE MILANISTAT.COM, PËR TË MARRË ÇDO DITË, NË ÇDO MOMENT TË DITËS, TË REJAT MË TË FUNDIT QË REDAKSIA MILANISTAT.COM, ME BASHKËPUNËTORË NË ROMË, MILANO, BERLIN, LONDËR DHE NJU JORK, MUND T’JU OFROJË NË ÇDO MOMENT TË DITËS. MJAFTON TË KLIKOSH NË LINKUN KËTU>>>>, OSE TË KLIKOSH KËTU>>>>
Me një merkato që duket gjithnjë e më aktive, tifozët kuqezi kanë arsye të ndihen optimistë. Milani po ndërton një skuadër të denjë për emrin dhe historinë e tij, duke kërkuar të rikthehet fuqishëm si protagonist në arenën kombëtare dhe ndërkombëtare.
