Milani ka hedhur një hap të fortë për të blinduar Mike Maignan teksa i është paraqitur portierit dhe kapitenit kuqezi një ofertë rinovimi për deri më 30 qershor 2029, me opsion edhe për një sezon tjetër, deri më 2030.
Rinovimi i Maignan: ofertë rekord dhe pritje nervoze
Paketa financiare është nga më të rëndësishmet në skuadër: 7 milionë euro në sezon, bonuset të përfshira.
More Read
Kontrata parashikon një pagë fikse prej 5.5 milionë eurosh dhe 1.5 milionë në bonuse, shifër e barabartë me atë të Rafael Leão-s, aktualisht lojtari më i paguar i Milanit. Drejtuesit kanë kërkuar edhe një takim ballë për ballë me agjentin Jonathan Kebe për të sqaruar situatën dhe për të kuptuar realisht vullnetin e “Magic Mike”.
Plani B: “Macja e zezë” në radarët kuqezi
Nëse Maignan do të refuzojë rinovimin dhe do të largohet më 2026 me zero euro, Milani nuk dëshiron të kapet i papërgatitur. Pikërisht për këtë arsye, drejtuesit kanë nisur lëvizjet për një portier titullar alternativ.
Emri që kryeson listën është Hugo Souza, portieri brazilian i Corinthians, i lindur në vitin 1999.
Një profil i ri, me përvojë në një klub të madh të Amerikës së Jugut dhe me thirrje të regjistruara në Kombëtaren e Brazilit – një garanci jo e vogël për potencialin e kërkuar.
Oferta e parë dhe dera e hapur për verën
Milani ka bërë tashmë një ofertë të parë eksploruese për Hugo Souza, e cila është refuzuar si nga Corinthians ashtu edhe nga vetë portieri.
Megjithatë, sinjalet nga kampi i lojtarit janë të qarta: dera për një transferim në verë drejt kuqezinjve nuk është mbyllur.
Në klubin e rrugës Aldo Rossi mbizotëron qetësia strategjike: përparësi ka rinovimi i Maignan, por nëse saga përfundon negativisht, trashëgimtari duket se është tashmë i identifikuar. Milani planifikon, parashikon dhe nuk lë asgjë në dorë të rastësisë – sepse porta e një klubi të madh nuk mund të mbetet kurrë pa zot.
BËHU PJESË E KLUBIT ONLINE TË TIFOZËVE ROSSONERË, MILANISTAT.com, PËR TË MARRË ÇDO DITË, NË ÇDO MOMENT, TË REJAT MË TË FUNDIT QË REDAKSIA JONË, ME BASHKËPUNËTORË NË MILANO, ROMË, BERLIN, LONDËR DHE NJU JORK J’UA OFRON ME CILËSINË MË TË MIRË. MJAFTON TË KLIKOSH NË LINKUN KËTU>>>>>>, ose TË KLIKOSH NË LINKUN TJETËR KËTU>>>>>>
