Kur Milani mbylli blerjen e Alvaro Moratës, shumë menduan se do të ishte ai që do ta merrte numrin 9, por në vend të tij, spanjolli zgjodhi numrin 7. Nga ai moment, ishte normale të imagjinohej që klubi do të blinte një sulmues tjetër që do të trashëgonte fanellën e lënë të lirë nga Olivier Giroud.
Nuk është sekret që klubi kuqezi ka bërë tentativa për Tammy Abraham, por nuk pati asnjë mënyrë për të arritur një marrëveshje me Romën. Çmimi i kartonit i fiksuar në 25 milionë euro dhe padisponueshmëria nga ana e drejtuesve kryeqytetas për të negociuar mbi bazën e një huazimi me të drejtë shlyerjeje. Edhe pse ish Chelsea pati folur për një transferim të mundshëm te Milani, në këtë moment duket se operacioni nuk do të realizohet.
Dështimi për të arritur Abraham apo një qendërsulmues tjetër automatikisht do të thotë që Luka Jovic do të mbetet te Milani. Pavarësisht përpjekjeve të klubit për ta shitur apo për ta ndërfutur në ndonjë operacion, përfshirë në atë për vetë anglezin, në fund ish Real Madridi dhe Fiorentinës duket i destinuar të qëndrojë.
Faqja zyrtare e kuqezinjve ka dhënë gjithashtu një të indicie të mëtejshme në orët e fundit: në fakt, në dyqanin online mund të vërehet se kur përpiqesh të blesh fanellën e personalizuar të njërit prej lojtarëve, numri 9 shfaqet pikërisht pranë emrit të Jovic. Kjo mund të nënkuptojë se, me përjashtim të ndonjë kthesë të mundshme, Milani tashmë e ka braktisur objektivin për të blerë një sulmues të ri.
Për të marrë një tjetër, nevojitet shitja e Jovic. Ky i fundit e ka bërë të qartë se nuk dëshiron të largohet dhe se dëshiron ta bindë Paulo Fonsekën që t’i besojë. Sezonin e kaluar shënoi 9 gola, duke demonstruar aftësinë për të ndikuar në zonën gol, veçanërisht duke hyrë gjatë ndeshjes si zëvendësues dhe duke luajtur me një tjetër sulmues pranë. Më pak mirë, kur i ka nisur ndeshjet titullar dhe ka vepruar si një puntë e vetme.
Duket se nuk i ka karakteristikat ideale për Fonseca, i cili megjithatë do të përpiqet të nxjerrë më shumë nga serb nëse do të qëndronte përfundimisht. Milani i ka zgjatur kontratën deri në qershor 2025 dhe me siguri do ta mbajë të paktën deri në atë kohë. Ekziston mundësia për të zgjatur marrëveshjen edhe për një vit tjetër. Të shohim se çfarë do të ndodhë.
