E bujshme Milan, kthesë e papritur: Tare i trondit të gjithë me lëvizjen e papritur

Orët e fundit të merkatos kanë nxitur debatin rreth të ardhmes së Dusan Vlahovic. Gazetat sportive kanë analizuar perspektivat e qendërsulmuesit serb, të lidhur me Juventusin deri më 2026, por me skenarë që po bëhen gjithnjë e më të ndërlikuar. Mundësia e një transferimi te Milani, e shumëdiskutuar gjatë këtyre javëve të fundit, sipas disa burimeve, po e humbet vrullin. Milani, pavarësisht vlerësimit të cilësive të bomberit, ka filluar të shqyrtojë edhe mbi raste të tjera për të përforcuar sulmin e tij. Ky vendim u mor edhe për arsye që lidhen me kohën dhe kostot e përgjithshme të operacionit. Vlerësimi i fiksuar në Torino nuk është ulur kurrë dhe kjo vazhdon të jetë një pikë kritike në negociatat midis palëve.

E bujshme Milan: frenim dhe kthesë e papritur

Kanë qenë kolegët e të përditshmes sportive “Corriere dello Sport”, që kanë zbuluar se drejtuesit Rossonerë e kanë përqendruar vëmendjen e tyre te Rasmus Hojlund, i konsideruar më i arritshëm në disa aspekte. Sipas të përditshmes sportive, Juventusi vazhdon të kërkojë jo më pak se 35 milionë euro për Vlahovic, një shifër që Milani nuk është i gatshëm ta paguajë për një lojtar, kontrata e të cilit skadon pas më pak se dymbëdhjetë muajsh. Kësaj i duhet shtuar edhe pagën e tij aktuale neto prej 12 milionë eurosh, e cila do të duhet reduktuar në mënyrë drastike për ta bërë të realizueshëm transferimin. “Për të veshur fanellën e Milanit, Dushan do të duhej të pranonte kushte ekonomike shumë të ndryshme nga ato aktuale”, zulon gazeta. Ndërsa e përditshmja tjetër sportive torineze, Tuttosport, ka zbuluar se qendërsulmuesi do të kishte mbetur “i ngrirë” nga zgjedhja e Milanit për t’u përqendruar mbi Hojlund. Ndërsa Massimiliano Allegri, nga ana tjetër, do të kishte identifikuar serbin si opsionin e tij të parë për sulmin e tij. Juventusi po sheh me sy të mirë çdo vështirësi me të cilën Milani mund të përballet në ndjekjen e danezit. Në mungesë të ndonjë oferte tërheqëse nga jashtë, e vetmja mënyrë për të shmangur një largim me zero euro do të ishte arritja e një marrëveshjeje me klubin me seli në rrugën Aldo Rossi.

Pengesat e Juventusit ndaj Milanit

Ndërsa kolegët e La Gazzetta dello Sport zbulojnë një prapaskenë interesante: Juventusi do të ishte duke menduar përfshirjen e Vlahovic, bashkë me Douglas Luiz apo Nicolò Savonën, në një operacion me Newcastle për të sjellë Sandro Tonalin përsëri në Torino. Ish mesfushori i Milanit konsiderohet i pashitshëm nga klubi anglez, por joshja e Serie A, e kombinuar me nevojën e klubit të Premier League për përforcime në sulm, mund të hapin një dritare mundësishë. Alexander Isak, është në fakt në shënjestër të Liverpoolit dhe kjo po e detyron Newcastle të shqyrtojë mundësi të tjera. Në këtë kuadër, Vlahovic bëhet një lojtar kyç që mund të zhbllokojë një marrëveshje ndërkombëtare me implikime të drejtpërdrejta për merkato. Teksa koha kalon, mbetet për t’u kuptuar nëse Milani do ta rihapë dialogun apo nëse strategjia e tij do të mbetet përfundimisht e orientuar drejt Hojlund, duke e lënë Torinon me detyrën e gjetjes së një të ardhmeje të re për numrin 9 të saj.