Kyqezinjtë mbyllin një sezon makthi dhe tani duket se po shesin gjithçka. Manchester City synon një operacion monstër prej 140 milionë eurosh
S’ka kuptim të fshihesh pas gishtit: ai i Milanit ishte një sezon i dështuar. Një nga ato që nisim me objektiva të mira, me emra të rinj në pankinë dhe premtime për rilançim, por më pas, gjatë rrugës, shkërmoqen mes performancash opake, pikësh të humbura turpshëm dhe një identiteti kurrë të gjendur vërtetë.
Pas eksperiencës me Fonsecën, e cila u mbyll pa ndonjë sukses dhe me më shumë dyshime sesa siguri, edhe gjëegjëza Conceição – e ardhur si një kthesë e mundshme – rezultoi të ishte joefektive. Asnjë tronditje, asnjë rilindje. Vetëm një largim i ngadaltë dhe progresiv prej zonave të klasifikimit që kanë rëndësi.
Përjashtimi nga garat evropiane për sezonin e ardhshëm i vuri vulën një viti për t’u harruar dhe tani klubi kuqezi e gjen veten duke bërë llogaritë jo vetëm me zhgënjim sportiv, por edhe me një situatë ekonomike dhe strategjike që rrezikon të hapë një kapitull të ri: atë të shitjes së lojtarëve big. Sepse pa Champions dhe asnjë shikueshmëri ndërkombëtare, mbajtja e disa emrave bëhet gjithnjë e më e ndërlikuar. Dhe merkato, siç e dimë, nuk të pret. Përkundrazi, nuhat dobësitë.
Milan: lamtumirë big-ëve të skuadrës, troket Manchester City
Është pikërisht në këtë kontekst që hyn në lojë interesi i Manchester City-t, që do ta kishte identifikuar pikërisht Milanin si destinacionin ideal për të peshkuar dy figura kyç për projektin e tij. Emri i parë në fletoren e Pep Guardiolës dhe të menaxherëve anglezë është Tijjani Reijnders.
Holandezi, pavarësisht sezonit të vështirë të kuqezinjve, ka treguar cilësi të mëdha dhe e ka shfaqur veten si një nga mesfushorët më të gjithanshëm dhe të plotë në skenën evropiane. City, sipas lajmeve që vijnë nga ishulli i madh britanik, do ta kishte vënë në krye të listës së tij për të forcuar repartin qendror. Milani, i vetëdijshëm për vlerën e lojtarit, do të ishte përgjigjur duke kërkuar të paktën 100 milionë euro për ta lënë të largohet.
Por nuk është e gjitha. Një tundimi tjetër i madh për anglezët sjell emrin e Theo Hernandez, anësorit të mëngjër të mbrojtës sonë, që prej vitesh garanton shtytje, teknikë dhe një kërcënim të vazhdueshëm në krah. Profili i tij, i afruar edhe në të kaluarën me top klubet evropiane, rikthehet me prepotencë nën radarë pikërisht tani që Milani duket i gatshëm të sakrifikojë disa lojtarë për të balancuar llogaritë. Vlerësimi do të ishte rreth 40 milionë euro, duke e çuar operacionin e përgjithshëm në një shifër mbresëlënëse: 140 milionë.
Pa pikë dyshimi, bëhet fjalë për shifra të rëndësishme, të cilat mund t’i mundësonin Milanit të rindërtohet. Por problemi nuk është vetëm ekonomik. Çështja e vërtetë është identiteti. Humbja e dy liderëve teknikë dhe karizmatikë si Reijnders dhe Theo do të thoshte pothuajse zhdukjen e plotë të shtyllës kurrizore të një skuadre që tashmë po përpiqet të ringrihet. Atëherë rreziku është transformimi i një merkatoje mundësish në një supermarket, ku big-ët e skuadrës shndërrohen në shance për kalimtarët e zakonshëm e që kanë mjetet për të paguar menjëherë.
Milani tani është në një udhëkryq. Nga njëra anë, urgjenca për t’u rigjallëruar dhe për tt’u rilançuar, nga ana tjetër, nevoja për të mos humbur atë që i ka mbetur nga vlera e tij teknike. Sepse rindërtimi është gjithmonë i mundur, sigurisht. Por, ta bësh pasi të kesh shitur më të mirët mund të bëhet shumë më e vështirë.
