Udineze ishte testi i Rossonerëve. Që e mposhtën në një pjesë dhe një minutë: është Pulisic ylli ndeshjes, protagonisti i madh me dy gola dhe një penallti të padhënë… por që ashtu çoi në golin e dytë të Fofanës. Çdo diskutim mbi drejtimin arbitrar shuhet kështu: pra, Doveri bëri mirë që e la aksionin të vazhdonte dhe si rrjedhojë goli i Fofanasë. Në fund të fundit nuk bëri asgjë më shumë e as më pak sesa zbatoi rregulloren e cila është shumë e qartë në këto raste.
Allegri, i skualifikuar dhe i ulur në rreshtin e sipërm të tribunës së shtypit, vëzhgon Milanin e gjallë të pjesës së parë, edhe pse në disa reagime impulsive nuk duket i kënaqur: Max bërtet dhe godet stolin para tij. Britmat nuk mbërrijnë deri në fushë, por në një pjesë të mirë të stadiumit po.
Udineze është ndryshe nga pritshmëritë, me debutimin e Ekkelenkamp në mesfushë. Davis dhe Bravo të konfirmuar në sulm: për Zaniolon vetëm pankinë dhe një hyrje në lojë në pjesën e dytë. Asnjë surprizë nga Milani, që ia besoi zonën Gimenez dhe Pulisic.
Lexo më shumë
PULISIC GOL — Në fillim, ishte një takim Milan-ic: i mbrojtësve, Pavlovic është më aktivi, në mes gjithçka kalon nga Modric dhe në sulm, është i zakonshmi Pulisic që godet. Në gjysmëorën e parë u godit shumë: pësoi tre faulle, një me mjekun të detyruar të futet në fushë dhe me të gjithë pankinën Rossonere në këmbë për të protestuar.
Rabiot, është një asistent regjisor i shkëlqyer, njeri që mbulonte të gjithë fushën, edhe pse asisti i golit të parë Rossoner vjen përsëri nga e majta, nga i papritshmi por vendimtari Estupinan. Rastët në 45 minutat e para ishin të shumta dhe me intensitet të lartë: Gimenez gjendet përpara Savës pas njëzet minutash, me portierin bianconer që i bën mur.
Por, nëse Santi si zakonisht është bujar dhe jo i saktë, atëherë mendon bomberi Pulisic. Një aksion i shkëlqyer Rossoner: kros i Estupinan, devijim i Kristensen, shtytje e Savës me Christianin në pritë. Milani kalon në epërsi. Anësor, mesfushor sulmues apo sulmues i dytë, si këtu, Pulisic bën gjithmonë diferencën.
Udinese e impenjon shumë pak Terraccianon: mbrojtja dhe mesfusha Rossonere kompaktësohen mirë. Dhe porta sërisht mbetet e pastër.
MENJËHERË FOFANA — Kalon një minutë nga fillimi i pjesës së dytë dhe Rossonerët dyfishojnë: Pulisic, i rrëzuar në zonë nga Karlström, me topin në këmbët e Fofana. Goditje me të djathtën dhe Savës i befasuar kap shtyllën e afërt: Milani përpara me dy gola.
Edhe shtatë minuta dhe është tris Rossoner, përsëri me Pulisic. Kësaj here, pasimi vjen nga Rabiot, me Christian që mposht numrin 90 bianconer në portë.
Runjaic i mbetet vetëm të bëjë ndryshime: në fushë Zaniolo, Zanoli dhe Rui Modesto. Shumë pak për të ndryshuar një ndeshje që tashmë ishte vendosur.
Ndryshon edhe Milani me Nkunku, Loftus-Cheek, Ricci, De Winter dhe me debutimin e Athekame. Nkunku, Saelemaekers dhe Estupinan ofrojnë shanset e fundit rossonere drejt portës, me Sava vazhdimisht në punë. Terracciano pushim.
Dhe Allegri mund më në fund të largohet nga tribuna e medias.
