Askush nuk do ta kishte parashikuar këtë skenar. Pas vetëm 14 javësh, Milani i Massimiliano Allegrit udhëheq Serie A krah për krah me Napolin, duke sfiduar çdo parashikim dhe duke rikthyer në qytetin kuqezi një ndjenjë që dukej e harruar: besimin.
MILANI NË MAJE, ALLEGRI I QETË: “SHOHIM KU JEMI NË MARS”
Është vetë Allegri, që si mjeshtër i menaxhimit të tensioneve, ndalon çdo entuziazëm të tepruar. “Ndeshje pas ndeshje”, përsërisin lojtarët e tij si një mantra.
Lexo më shumë
Megjithatë, për të ruajtur këtë ritëm të çmendur dhe për të shmangur rrezikun e një tkurrjeje të pashmangshme për shkak të dëmtimeve dhe mungesave, klubi duhet të ndërhyjë në merkato. Jo me revolucion, por me kirurgji.
DOMOSDOSHMËRIA: NJË “NUMËR NËNTË” I VËRTETË, SI KËRKESA KRYESORE E ALLEGRIT
Zona më e nxehtë dhe më e diskutuar është, pa dyshim, sulmi.
Allegri e kërkoi një qendërsulmues me tiparet e tij që në verë, një figurë fizike, prezente, e aftë të luajë me skuadrën dhe të japë peshë në zonë.
Kjo nuk ndodhi. Dhe Santiago Gimenez, i mbërritur si bast, ka zhgënjyer: zero gola, plus një dëmtim i gjatë që e ka hequr nga qarkullimi për më shumë se një muaj e gjysmë.
Mundësitë për janarin?
- Fullkrug, rikthim flirti me gjermanin e fuqishëm;
- Zirkzee, ëndrra moderne që ndez fantazinë e tifozëve;
- Icardi, skenari i çmendur, por që te Milani ka gjithmonë aromë goleadori;
- Lucca, mundësia më pragmatike dhe më e lirë.
Pa lëvizur Gimenez, klubi mund të presë. Por nëse largohet, rruga hapet për një goditje të madhe.
MBROJTJA ME TRE KËRKON FORCA TË FRESKËTA
Mbrojtja është përmirësuar në aspektin e organizimit, por numrat janë të frikshëm: Milani luan me tre, por ka vetëm dy zëvendësues natyralë, një prej të cilëve shumë i ri dhe ende i papërpunuar.
Një mbrojtës i gatshëm, i fortë dhe me përvojë në sistemin me tre është urgjencë absolute për mos të rrezikuar gjatë periudhës së ngarkuar të janarit dhe shkurtit.
KRAHËT, ATY KU MILANI KA NEVOJË PËR AJËR TË PASTËR
Saelemaekers po bën një sezon të shkëlqyer, por nuk mund të luajë 90 minuta çdo tre ditë. Kuqezinjtë kërkojnë një profil të shpejtë, teknik, që të mbajë të lartë intensitetin dhe të balancojë manovrën ofensive.
JANARI: TESTI I VËRTETË I AMBICIEVE KUQEZI
Milani i Allegrit ka treguar karakter, organizim dhe një mentalitet që të kujton epokat e mëdha të klubit.
Por Serie A është e gjatë, e lodhshme dhe e pamëshirshme.
Tre goditje të sakta — një sulmues, një mbrojtës dhe një krah — mund të jenë çelësi që ndan një sezon të mirë nga një sezon historik.
Topi kalon te drejtuesit. Allegri bëri të vetën. Tani është radha e merkatos të mos e zhgënjejë.
BËHU PJESË E KLUBIT ONLINE TË TIFOZËVE ROSSONERË, MILANISTAT.com, PËR TË MARRË ÇDO DITË, NË ÇDO MOMENT, TË REJAT MË TË FUNDIT QË REDAKSIA JONË, ME BASHKËPUNËTORË NË MILANO, ROMË, BERLIN, LONDËR DHE NJU JORK J’UA OFRON ME CILËSINË MË TË MIRË. MJAFTON TË KLIKOSH NË LINKUN KËTU>>>>>>, ose TË KLIKOSH NË LINKUN TJETËR KËTU>>>>>>
