Dita e fundit pa blerje (ndoshta). Morata dhe jo vetëm ai. Por duhet ngritur niveli me më shumë siguri

Mbyllet sot ajo që duhet të jetë fundjava e fundit me ende zero blerje.

Nga nesër, mesi i korrikut, merkato Milan duhet (detyrimi është i domosdoshëm duke pasur parasysh precedentët) zhbllokuar që më në fund të marrë formë. Finalja mes Spanjës dhe Anglisë e vendosi që Alvaro Morata do të mund të largohet nga La Liga si kampion europian jo: ai e ngriti trofeun si kapiten. Milani tani është në pritje të tij dhe është gati, ndoshta që nesër, t’i besojë trashëgiminë e Olivier Giroud.

Një sulm me Leaon, Pulisiç dhe me qendërsulmuesin aktual të Atletico Madrid premton shumë mirë: megjithatë, mbetet shija e keqe e mosmbylljes së operacionin Zirkzee. Kështu, edhe kësaj here, investimi i madh për sulmuesin do të shtyhet: një film i parë shumë herë që tashmë po bëhet i mërzitshëm.

Sidoqoftë, për të ardhmen e afërt, Morata jep më shumë garanci sesa holandezi ish Bolonjës; në perspektivë, sigurisht jo.

Në tërësi, rrezikshmëria e repartit duhet të jetë më superiore karshi asaj të sezonit të kaluar: Klubi në fakt dëshiron t’i japë Fonsekës një alternativë të nivelit të lartë në rol.

Abraham apo Fullkrug janë emrat që po qarkullojnë më së shumti gjatë orëve të fundit: të dy janë interesantë për rolin e zëvendësuesit. I pari, në moshën 26-vjeçare mund të rilançohet: duhet kujtuar se në vitin e tij të parë në Serie A shënoi 17 gola. I dyti mund të jetë perfekt, siç u pa edhe në Evropian, si zëvendësues: 2 gola në 5 ndeshje, asnjëherë si titullar. Goditja e tij me kokë mund të jetë shkatërrimtare në pjesën e dytë të ndeshjes. Të shohim. Është e qartë se në horizont mund të materializohen edhe mundësi të tjera, sidomos nga Premierliga, nga e cila me siguri do të dalin teprica luksoze.

Në repartet e tjera do të nevojiten operacione të synuara, sa për të cituar Furlanin. Por objektivat e Klubit, domethënë Emerson Royal, Pavloviç dhe Fofana, aktualisht nuk paraqesin garanci për sukses. Në këto raste duket sikur po rishikojmë merkaton e vitit të kaluar: blerjet nga ‘prerja’ 20 milionëshe, të cilat nuk është e thënë të ndryshojnë gjë. Do të ishte një histori ndryshe për Rabiot: një lojtar i zoti për të ngritur nivelin e ekipit pa asnjë nëse apo por. Francezi duhet të sqarojë rezervat e tij për të ardhmen e tij brenda dhjetë ditëve: në garë është edhe Milani.