Costacurta dhe Milanizmi i humbur. Rrëfimi e Gallianit: “Ishte i vetmi që…”

Milanizmi i Alessandro Billy Costacurta në një histori: na ndihmoni ta përhapim dhe të rikuperojmë ADN-në rossonero që po humbet!

Me përzënien e Paolo Maldinit, Milani ka humbur atë edhe që i kishte mbetur nga ADN-ja e tij rossonere. Kemi disa vjet rresht që përsërisim me obsesivitet se nevojitet të rikuperojmë paksa MILANIZËM të shëndetshëm, por duket se klubi shkon gjithmonë në drejtim të kundërt. Të lodhur nga ankesat, kemi vendosur të bëjmë diçka më konkrete: të hapim një rubrikë të re me histori dhe dëshmi nga e kaluara, në mënyrë që të mos i humbasim gjurmët e atij Milani berluskonian që na bëri të mëdhenj. Shumë shpesh do të gjeni një artikull mbi Milanizmin e shëndetshëm në rubrikën AMARCORD.

Sot do ju tregojmë për MILANIZMIN E ALESSANDRO COSTACURTA-s, përmes një ngjarje të kohëve të kaluara të treguar nga… as më shumë e as më pak, por, nga i madhi Adriano Galliani: “Costacurta është i vetmi lojtar, në pothuajse 30 vjet te Milani, që hynte në zyrë dhe firmoste kontratën në të bardhë, betohem që është e vërtetë. Të tjerët bënin sikur firmosnin kontratën në të bardhë, por në realitet bënin luftë. I vetmi që firmoste kontratën në të bardhë dhe më thoshte të vija vetë shumën ishte Billy sepse e dinte se do të më vinte në siklet të madh. E merrte vesh se sa shkonte kontrata e tij vetëm kur i jepnim kopjen e tij”.

Sipas mendimit tonë, duhet rikuperuar absolutisht kjo frymë. ‘Prioritet për AC Milan’, do të thoshte Rino Gattuso, një tjetër shembull i shkëlqyer i Milanizmit. Ne duhet të rikuperojmë atë bërthamë të fortë milanistësh, të rritur te Milani. Duhet të rikthehemi e të bëjmë që gjaku rossonero të rrjedhë përsëri në venat tona. Duhet të kultivojmë dhe ta blindojmë të gjithë gjeneratën tontë të re, nga Torriani te Bartesaghi, nga Zeroli te Liberali dhe Camarda. Apeli ynë është: ‘Bëjnini të luajnë, lërini të rriten, mbështetuni mbi ta!’

Na nevojiten lojtarë të lidhur me fanellën, që bëjnë gjithçka për të qëndruar te Milani e për të fituar këtu. Klubi duhet të kthehet në jetë një pikë mbërritjeje, jo një pikë nisjeje apo një pikë tranziti. Alessandro Costacurta, për miqtë Billy, tani është 59 vjeç dhe ka qenë një ndihmës besnik i Franco Baresit dhe Paolo Maldinit. Lombard i kulluar, Costacurta ka kaluar 27 vjet me fanellën e Milanit, 21 prej të cilave në Skuadrën e Parë, me 663 ndeshje zyrtare të luajtura me fanellën kuqezi. Billy është lojtari i tretë me më shumë ndeshje në historinë e klubit. Vinte dhe firmoste rinovimin e kontratës në fleta krejt të bardha! Duam të rikthehemi e të kemi BURRA KËSHTU!