Cardinale larg Milanit, fituan tifozët: “Go home”

Populli Rossoneri, zbriti në shesh për të demonstruar kundër RedBird, Elliott dhe drejtuesve të tyre, fitoi: ja rezultati

“Pyetja është: janë apo bëjnë vetë? Në të dyja rastet, drejtuesit e Milanit janë të burgosurit e një mëkati origjinal. Të kryer nga vetë pronari Gerry Cardinale, i cili pati edhe fatin e mirë të gjendej në Piazza Duomo duke festuar Scudetton e 19-të kur ende nuk e kishte blerë zyrtarisht klubin. Protesta shumë e ashpër e tufizëve rossonerë sinjalizon se durimi ka arritur kulmin. Nuk është vetëm çështje viti të ‘dështuar’ (Furlani dixit) që u mbyll dje në mbrëmje. Por AC (Associazione Calcio) Milan nuk është dhe nuk do të jetë kurrë një ndërmarrje si ato të menaxhuara nga RedBird”.

Shkruan kështu sot kolegu dhe gazetari i mirënjohur Xavier Jacobelli, në Tuttosport, që rreshtohet plotësisht në anën e tifozëve: “Tifozët e Milanit nuk janë dhe nuk do të jenë kurrë klientë: ata janë dhe do të jenë gjithmonë tifozë, domethënë besnikë ndaj historisë, fanellës, pasionit. Më të fortë se gjithçka, madje edhe nga pronarët që janë robër të marrëzisë së dy viteve të fundit: nga shkarkimi i Maldinit te pankinat balerina të Fonsecës dhe Conceiçao-s, duke kaluar nëpër strategji merkatoje të gabuara”.

Për ata që nuk janë të zanatit; fanellat e treta dhe të katërta, janë ndërthurrje të tmerrshme të fanellave të Belgjikës dhe asaj të Portugalisë; ndaj pasigurisë për të diturit se kush bën çfarë; e deri në turpin e ndryshimit të logos historike, duke zhdukur të zezën e duke e bërë të kuqe me vija të bardha, si modeli i Atletico Madridit. Jo, nuk mund t’i anashkalosh në këtë mënyrë125 vjet histori. Nuk mund ta zhdukësh Totemin Maldini pa menduar për pasojat katastrofike”.

Polulli rossoneri zbret në shesh dhe bëhen viral: “Cardinale, duhet të shesësh! Ik! Go home – Shko në shtëpi”

Kësisoj, gazetari i njohur rreshtohet hapur me ata që demonstruan dje, me ata që duan në shtëpi një menaxhim dhe pronësi që kanë rezultuar të paaftë për të menaxhuar Milanin. Nuk ka alternativa: “GO HOME”, shkroi Curva Sud, përpara se të braktiste stadiumin.

Protesta nuk u kufizua vetëm tek tifozeria e organizuar apo mediat sociale. Nëse sot kolegu Jacobelli shkruan për zhgënjimin e tifozëve dhe pazotësinë e një grupi pune nëpër dhomat e fshehta të klubit të rrugës Aldo Rossi, që kanë fundosur Milanin, kjo sepse një popull i bashkuar, ai kuqezi, zbriti në shesh.

Për protestën po flasin thuajse të gjithë, si gazeta prestigjioze New York Times, apo The Athletic, ose Reuters. Kush e di nëse këtë herë do të ketë një përgjigje nga Gerry Cardinale.