Fatkeqësisht, gjendja fizike e Victor Boniface nuk e bindi plotësisht Milanin dhe nigeriani u rikthye në Leverkusen. Tani, Igli Tare gjendet mes domosdoshmërisë për të gjetur sa më shpejt të paktën një qendërsulmues tjetër për Massimiliano Allegrin.
Emri më i kërkuar këto ditë është Conrad Harder, danezi 20-vjeçar nga Sporting CP.
Edhe pse klubet kanë arritur një akord përsa i përket çmimit të kartonit të tij (24 milionë euro plus 3 milionë bonuse), lojtari duhet të vendosë nëse duhet të martohet me projektin Milanit apo Rennes, një opsion më pak prestigjioz por që do t’i garantonte shanse më shumta për të luajtur me vazhdimësi.
Vlahovic gjithnjë nën sy
Në pritje pra për të parë nëse dhe kur Harder do të mbërrijë në Milano, mbetet e gjallë edhe hipoteza Dusan Vlahovic. Kontaktet janë ende të vazhdueshme, por është e paqartë nëse mund të përmbushen kushtet financiare për këtë operacion.
Lexo më shumë
Ish Fiorentina duhet të pranojë një ulje të rëndësishme të pagës, me Rossonerët që nuk do të shkonin përtej 5-6 milionë eurove neto (përfshirë bonuset).
Milani, bomber i ri nga Jupiler Pro League?
Sipas zbulimit të ekspertit të merkatos Alessandro Jacobone, në San Siro, me rastin e ndeshjes Milan-Cremonese, ishin në tribuna edhe përfaqësuesit e Tolu Arokodare, sulmuesit nigerian klas 2000 që luan për Genk: “Kontakte dhe pishta gjithnjë për t’u monitoruar”.
Sezonin e kaluar, për nigerianin plot 23 gola dhe 7 asiste në 45 paraqitje, një përmirësim i ndjeshëm krahasuar me sezonin e kaluar (15 gola dhe 3 asiste në 52 ndeshje). Arokodare iu bashkua Genk në merkaton dimërore 2023 për rreth 5 milionë euro nga Amiens.
Performancat e tij në Belgjikë janë përmirësuar vazhdimisht dhe tani duket gati për t’u vënë në provë në një kampionat të një niveli më të lartë se Jupiler Pro League. Çmimi i kartonit të tij është rreth 23-25 milionë euro.
Sigurisht, për një klub si Milani, do të bëhej fjalë për një bast. Ashtu si Harder, në fund të fundit, i cili edhe pse pesë vjet më i ri, nuk mund të jetë një garanci për repartin sulmues të Massimiliano Allegrit.
Gjatë këtyre ditëve, drejtuesit Rossonerë do të duhet të bëjnë vlerësimet e tyre dhe të vendosin. Merkato verore po afrohet gjithnjë e më shumë pranë mbylljes.
Arokodare nuk i ngroh zemrat e tifozëve të Milanit, të cilët kuptohet duan një qendërsulmues të kalibrit ndërkombëtar si titullar. Vështirë të thuhet nëse nigeriani mund të jetë një surprizë pozitive.
Nuk mbetet veçse të presim për të parë se çfarë lëvizjesh do të bëjë klubi Rossoner.
