Bayern Munich do Leaon: Milani fikson çmimin

Milani është gati ta mbyllë këtë sezon të dështuar me ndeshjen kundër Monzës, që zhvillohet në orën 20:45 në stadiumin San Siro. Ndeshja do të zhvillohet në një mjedis surreal: Curva Sud ka deklaruar se do të jetë e pranishme vetëm për 15 minutat e para të ndeshjes (në të cilat, imagjinojmë, nuk do të ketë brohoritje lëvduese për klubin) e më pas do ta lërë sektorin e saj plotësisht bosh në shenjë proteste. Ndërkohë që edhe Casa Milan do të shënjestrohet po ashtu nga pakënaqësia e tifozëve: në orën 17:00 do të ketë një procesion nën selinë e klubit të rrugës Aldo Rossi për të demonstruar gjithë zemërimin e akumuluar gjatë këtij viti vërtet të ndërlikuar. Megjithatë, klubi ka në dorë për të bërë vetëm një gjë dhe duhet ta bëjë: të përveshë mëngët dhe të bëjë një punë të mirë gjatë verës.

Shitjet e mundshme

Duke parë kualifikimin e dështuar në Champions League për sezonin e ardhshëm, ka të ngjarë që Milani të duhet të shesë të paktën një nga xhevahiret e tij për të financuar merkaton në hyrje dhe për të shmangur mbylljen e bilancit me një deficit të konsiderueshëm. Manchester City është gati të bëjë gjithçka për të blerë Tijjani Reijnders: holandezi kohët e fundit e ka rinovuar kontratën e tij me Djallin, por nëse do të vinte një ofertë prej 70 milionësh, klubi do ta vlerësonte me shumë seriozisht. Edhe e ardhmja e Theo Hernandez dhe Mike Maignan mbetet në pikëpyetje: rinovimi i kontratës së tyre nuk ka mbërritur ende dhe të dy mund të largohen nga Milanello gjatë verës në mungesë të një kontrate të re me kuqezinjtë. Shumë punë për të bërë për Igli Taren: ndërkohë, nga vijnë zëra edhe mga Gjermania që mund të ndezin akoma më shumë ambjentin rossonero.

Bayerni do Leaon

Siç zbulohet nga kolegu, gazetari i Sky Sport Deutschland, Florian Plattenburg, Bayern Munich po e monitoron nga afër me shumë kujdes situatën e Rafael Leao-s. Portugezi ka një marrëveshje afatgjatë me Milanin dhe një klauzolë çliruese prej 175 milionë euro, por edhe këtë vit ai i ka zhgënjyer pritshmëritë dhe nuk duket më absolutisht i pashitshëm. Klubi bavarez ka vendosur kontakte me babanë e tij, Antonio dhe Jorge Mendes, agjent shumë afër me numrin dhjetë të Rossonerëve. Megjithatë, për ta rrëmbyer Leaon nga Milani, do të duhet një ofertë prej të paktën 90-100 milionë euro: kampionët e Gjermanisë po e vlerësojnë, por mund të ndryshojnë objektiv edhe për te Mitoma i Brightonit për arsye ekonomike (45 milionë për ta marrë nga Premier League). Situata po monitorohet, por nuk ka ende asnjë ofertë konkrete.