Turneu i Milanit në Shtetet e Bashkuara të Amerikës po përfundon. Në M&T Bank Stadium në Baltimore, kuqezinjtë do të përballen me Barcelonën në ndeshjen e tyre të fundit në këtë edicion të Soccer Champions Tour.
Do të luhet kur në vendin tonë të jetë tashmë e mërkurë 7 gusht dhe ora do të jetë 01:30. Një orar disi impenjues, por kur ka impenjime në SHBA, tifozët europianë janë të thirrur t’i bëjnë këtë lloj përpjekjesh nëse duan të ndjekin live skuadrën. Është shumë e rëndësishme që klubi të shkojë dhe të luajë atje, veçanërisht për arsye me karakter ekonomik dhe tregtar. Një zgjedhje e bërë nga disa klube të rëndësishëm, mjafton të shikosh se kush merr pjesë në Soccer Champions Tour.
Transmetim i drejtpërdrejtë televiziv dhe formacionet e Barcelona-Milan
Barcelona-Milan do të shfaqet drejtpërdrejt në TV dhe transmetim në DAZN, i cili ka fituar të drejtën e transmetimit të gjitha ndeshjet miqësore të skuadrës së Paulo Fonsekës në Shtetet e Bashkuara. Ne në milanistat.com do të përpiqemi të bëjmë edhe një transmetim të drejtpërdrejtë me komentin tekstual të aksioneve kryesore të ndeshjes në faqen tonë të re në facebook të cilën do ta gjeni këtu >>>>>.
Kuqezinjtë do të zbresin në fushë me formacionin e zakonshëm 4-2-3-1. Në portë do të jetë sërish 19-vjeçari Lorenzo Torriani, i cili për shkak të dëmtimit fatkeq të Marco Sportiellos po gjen hapësira e madje po i shfrytëzon mirë. Është një nga surprizat e verës së Milanit, ka qenë protagonist i paraqitjeve të mira dhe është një zbulim i këndshëm për ata që nuk e njihnin.
Në mbrojtje do të shohim Davide Calabria, Fikayo Tomori, Malick Thiaw dhe Filippo Terracciano. Të njëjtën që pamë edhe në Milan-Real Madrid. As mesfusha nuk do të ndryshojë, pasi aty do të luajnë sërish Ismael Bennacer dhe Ruben Loftus-Cheek. Një test i rëndësishëm për të dy këta futbollistë, por mbi të gjitha për anglezin, i cili sezonin e kaluar luajti si mesfushor sulmues dhe tani Fonseca dëshiron ta përshtasë në mesfushë. Ish Chelsea është më shumë një mesfushor anësor i një mesfushe me tre, por trajneri beson se mund të bëjë mirë edhe me këtë formacion.
Në tridenti sulmues do të luajë Samuel Chukwueze në të djathtë dhe Alexis Saelemaekers në të majtë, me risinë Christian Pulisic në rolin e 10-ës. Kapiteni i kombëtares amerikane pati hyrë gjithmonë gjatë lojës, si zëvendësues, në dy miqësoret e mëparshme, pasi i kishte nisur me vonesë përgatitjet. Kjo do të jetë e para e tij si titullar dhe do të veprojë si mesfushor sulmues, një pozicion që mund ta mbulojë falë cilësive të tij të mëdha.
Si puntë të parë duhet të shohim Luka Jovic, edhe ai në paraqitjen e tij të parë si titullar këtë verë. Nuk mungojnë zërat për shitjen e qendërsulmuesit serb, duke qenë se Milani e konsideron të shitshëm, por ai duket i vendosur për të qëndruar. Një paraqitje të mirë kundër Barcelonës mund ta ndihmojë.
Në stol Rafael Leao, i cili do të hyjë në pjesën e dytë për të koleksionuar minutat e para në fushë të sezonit të ri. E njëjta gjë vlen edhe për Noah Okafor, i cili ashtu si Leao iu bashkua së fundmi grupit.
SOCCER CHAMPIONS TOUR 2024,
BARCELONA-MILAN: FORMACIONET E MUNDSHME
Barcelona (4-2-3-1): Ter Stegen; Valle, Christensen, Martinez, Baldé; Casado, Bernal; Raphinha (Victor), Pablo Torre, Hernandez; Lewandowski.
Milan (4-2-3-1): Torriani; Calabria, Tomori, Thiaw, Terracciano; Bennacer, Loftus-Cheek; Chukwueze, Pulisic, Saelemaekers; Jovic.
