Arrigo Sacchi, e bujshme: “Po do kthehem dhe do të stërvis…”

Njoftimi surprizë i bujshëm i trajnerit legjendë të Milanit të të Pathyeshmëve, për rikthimin shumë të afërt: trajneri surprizon tifozët dhe jo vetëm

Arrigo Sacchi nuk ka sigurisht nevojë për prezantim. Si trajner, me Milanin ai fitoi gjithçka që ishte për t’u fituar, madje disa herë, por ajo që ka bërë shkon përtej fitimit të trofeve. Sacchi ka shkruar historinë e futbollit me njohuri taktike që më vonë u bënë baza e futbollit modern dhe më gjerë. Trajnerët më të mëdhenj të sotshëm, si Pep Guardiola, janë frymëzuar nga ajo që ai bëri në fund të viteve ’80.

Përveç Milanit dhe kombëtares së Italisë, Sacchi ka drejtuar edhe Atletico Madridin për një periudhë shumë të shkurtër, përpara se ta mbyllte karrierën e tij më 2001 aty ku edhe e filloi, me Parmën. Që nga ai moment, Sacchi nuk ka stërvitur më. Dhe tani, në moshën thuajse 79-vjeçare (të cilën do ta mbushë më 1 prill), është gati të rikthehet në mënyrë sensacionale. Dhe këtë e ka bërë të ditur vetë ai.

Sacchi sensacional: po kthehet

Trajneri i madh ka folur për agjencianë Adnkronos, ku është shprehur për temat e mëdha të ofruara nga Serie A sot dhe gjatë kësaj bisede bëri edhe njoftimin që i habiti të gjithë dhe që brenda pak minutash bëri xhiron e botës: “Po, po mendoj të rikthehem të stërvis, në Itali apo jashtë saj”. Pra po, Sacchi mund të kthehet në pankinë pothuajse 24 vjet pas paraqitjes së tij të fundit. Por ku? Ofertat mesa duket nuk i mungojnë.

Në të njëjtën intervistë, Sacchi bëri të ditur se tashmë ka disa propozime dhe jo vetëm nga Italia: “E dua shumë këtë vend, por kam një të metë: them atë që mendoj ndaj dhe duhet të them edhe atë që mendoj për ne. Më kërkojnë të shkoj në Brazil, Argjentinë, Spanjë e shumë të tjera. Dhe po e mendoj”, ka shtuar Sacchi në përfundim. Me pak fjalë, gjithçka është e vërtetë: në harkun e pak kohëve, do të mund ta shohim të madhin Arrigo përsëri në stol. Dhe kjo sigurisht që do të ishte mirë për futbollin në tërësi.