Ndërsa në Milanello po mendohet për merkaton e rradhës, Arrigo Sacchi rikthehet të flasë. Ish-trajneri i Milanit të madh dhe i kombëtares azzurre padyshim që foli shumë për të kaluarën e tij kuqezi, duke e krahasuar atë edhe me situatën aktuale të Milanit. Ish-trajneri i Milanit nuk dukej aspak i kënaqur, veçanërisht në lidhje me menaxhimin e klubit.
Arrigo Sacchi, thuajse në lot, i kushtoi një moment të intervistës edhe për atë që ka qenë Milani i tij. “FIFA e ka njohur Milanin e 1989 si skuadrën më të mirë në histori”, thotë ish-trajneri. “Kisha lojtarë të shkëlqyer, por akoma më shumë njerëz të mëdhenj. Njerëz që dhanë gjithçka, brenda dhe jashtë fushës. Kjo, edhe falë një klubi të fortë, një presidenti të jashtëzakonshëm si Silvio Berlusconi, i cili gjithmonë na mbështeti. Ishin burra të vërtetë. Kur shkuam në Botëror, na dërguan në një vend ku temperatura e natës ishte 41-42 gradë. Mjekët më thanë: “Nuk do t’i durojmë pesë muaj.” E megjithatë, ata djem dhanë gjithçka, edhe pse pa muskuj më shumë. Ishin heronj”.
“Një klub ndërton një skuadër të mirë, jo anasjelltas”
BËHU PJESË E KLUBIT ONLINE MILANISTAT.COM, PËR TË MARRË ÇDO DITË, NË ÇDO MOMENT TË DITËS, TË REJAT MË TË FUNDIT QË REDAKSIA MILANISTAT.COM, ME BASHKËPUNËTORË NË ROMË, MILANO, BERLIN, LONDËR DHE NJU JORK, MUND T’JU OFROJË NË ÇDO MOMENT TË DITËS. MJAFTON TË KLIKOSH NË LINKUN KËTU>>>>, OSE TË KLIKOSH KËTU>>>>
Ish trajneri i Rossonerëve vazhdoi më pas duke hedhur një akuzë kriptike për klubin: “Kur niset me një klub që nuk ka histori, vizion, kompetencë dhe stil, ka shumë të ngjarë që të lindin probleme. Këto aspekte vijnë përpara skuadrës, klubi është themeli. Nëse mungojnë këta elementë, atëherë vështirësitë janë të pashmangshme. Një klub i mirë ndërton një skuadër të mirë, jo anasjelltas.”
