Renditja e Milanit flet qartë dhe nuk ka nevojë për përkthim: ajo që Massimiliano Allegri ka bërë deri më tani është një kryevepër e pastër trajneriale. Një punë artizanale, e ndërtuar me durim, pragmatizëm dhe një dozë të jashtëzakonshme sakrifice.
Capolavoro Allegri: renditja flet, fusha konfirmon
Pa pasur kurrë realisht në dispozicion njëkohësisht Leao dhe Pulisic, dy motorët kryesorë ofensivë, me alternativa që nuk kanë qenë në lartësinë e pritshmërive dhe pa një sulmues të mirëfilltë për pjesën më të madhe të sezonit, Allegri ka mbajtur Milanin në vijën e parë të betejës.
More Read
Skuadër e shkurtër, mungesa evidente, mbrojtje pa fuoriklase dhe me numra të kufizuar: një “coperta corta” tipike italiane, por e menaxhuar me mjeshtëri. Në krahun e majtë, pa një zëvendësues real të Theos nga merkato, Allegri ka pasur guximin të hedhë në fushë Bartesaghin, një djalosh që sezonin e kaluar luante me Milan Futuro. Çfarë tjetër mund t’i kërkosh, objektivisht, këtij trajneri?
Leao–Pulisic, Fullkrug dhe iluzioni i një sulmi të plotë
Loja spektakolare? Jo ende. Dhe ndoshta as nuk është prioritet. Për këtë duhen lojtarë në formën më të mirë fizike, diçka që këtë sezon ka munguar vazhdimisht. Shpresa e madhe mbetet rikuperimi i plotë i Leao dhe Pulisic.
Të dy kanë kaluar një sezon të vështirë nga ana fizike, por pavarësisht kësaj, shifrat e tyre janë të jashtëzakonshme. Tani imagjinoni çfarë mund të prodhojnë duke luajtur bashkë dhe në kulmin e formës – diçka që ka ndodhur vetëm një herë. Do të ishte një Milan krejt tjetër.
Ndërkohë, në repartin ofensiv, impakti i Fullkrug nuk ka qenë aspak negativ. Ndonjëherë mjafton vetëm prania e një “nove” të vërtetë, një sulmues me peshë dhe karakteristika klasike, për të ndryshuar perceptimin. Milani ka kohë që nuk e kishte një profil të tillë. Nuk po flasim për Lewandowskin, por një Fullkrug në formë mund të jetë jashtëzakonisht i dobishëm, sidomos duke hyrë nga stoli.
Merkato, ambicie dhe sinjale për të ardhmen kuqezi
Milani, pranë gjysmës së kampionatit, lufton për Scudetton. A mund të luftojë deri në fund edhe pa një merkato domethënëse? Ndoshta po, por do të kërkonte një tjetër gjysmë-mrekulli nga Allegri dhe stafi i tij.
Skuadra jeton në një ekuilibër të brishtë mes mungesash, problemesh fizike dhe boshllëqesh strukturore. Çdo ndeshje është një garë me pengesa. Prandaj pyetja është e natyrshme: a do të kishte më shumë shanse për titull me një merkato të synuar? Përgjigjja është absolute: po. Dhe pikërisht këtu matet ambicia e klubit.
Fitimi kërkon investim. Të kuptosh se të investosh për të fituar nuk është të hedhësh para, por t’i japësh kuptim një renditjeje kaq të favorshme. Pa Kupat, pa shpërqendrime, të mos shfrytëzosh këtë moment do të ishte një mëkat kapital.
Një sinjal i rëndësishëm pritet edhe nga rinovimi i Maignan: dikur i paimagjinueshëm, sot firma nuk është më utopi. Kërkohet ende kujdes, por më në fund sinjalet janë pozitive. Dhe nëse këto sinjale shndërrohen në veprime konkrete, atëherë ky “capolavoro” i Allegrit mund të kthehet në histori.
BËHU PJESË E KLUBIT ONLINE TË TIFOZËVE ROSSONERË, MILANISTAT.com, PËR TË MARRË ÇDO DITË, NË ÇDO MOMENT, TË REJAT MË TË FUNDIT QË REDAKSIA JONË, ME BASHKËPUNËTORË NË MILANO, ROMË, BERLIN, LONDËR DHE NJU JORK J’UA OFRON ME CILËSINË MË TË MIRË. MJAFTON TË KLIKOSH NË LINKUN KËTU>>>>>>, ose TË KLIKOSH NË LINKUN TJETËR KËTU>>>>>>
