Merkato po troket në derë dhe Milani nuk mund të shtiret sikur nuk e dëgjon.
- Alarm i kuq në klubin e rrugës Aldo Rossi: skuadër e shkurtër, dëmtime të shumta dhe merkato e detyruar
- Mbrojtja kërkon oksigjen: Allegri do një titullar të dytë, jo një premtim
- “I pesti” i djathtë, nyja taktike që mund të ndryshojë fytyrën e Milanit
- Sulmi, problemi më i madh: Allegri kërkon peshë, gola dhe siguri
- Jo Icardi, Pinamonti: pista italiane bind Allegrin dhe Taren
- Janari vendos sezonin? Milani nuk mund të gabojë
Alarm i kuq në klubin e rrugës Aldo Rossi: skuadër e shkurtër, dëmtime të shumta dhe merkato e detyruar
Realiteti është i pamëshirshëm: Massimiliano Allegri ka në dispozicion vetëm 19 lojtarë lëvizës, një numër i pamjaftueshëm për të përballuar gjysmën e dytë të sezonit mes kampionatit, Kupës dhe objektivave madhorë. Dëmtimet, sidomos në repartin ofensiv, kanë detyruar drejtuesit Furlani, Moncada dhe Tare të rikthehen “në fushë” me vendosmëri. Janari nuk është luks, por domosdoshmëri.
Mbrojtja kërkon oksigjen: Allegri do një titullar të dytë, jo një premtim
More Read
Trajneri ka qenë i qartë: i duhet një mbrojtës qendror. Jo sepse tridenti Tomori–Gabbia–Pavlovic po zhgënjen, përkundrazi. Por sepse sezoni është i gjatë dhe alternimi është jetik. Koni De Winter, i ardhur nga Genoa për 20 milionë euro, është alternativë e vlefshme, por ende jo garanci si titullar fiks. David Odogu, i blerë nga Wolfsburgu për 7 milionë, konsiderohet ende i papjekur: Serie D me Milan Futuro ose një huazim për t’u rritur.
Mesazhi i Allegrit është i thjeshtë: një mbrojtës i fortë, me minuta të rëndësishme në këmbë dhe me mentalitet ndeshjesh të mëdha.
“I pesti” i djathtë, nyja taktike që mund të ndryshojë fytyrën e Milanit
Nëse kushtet ekonomike e lejojnë, Milani do të tentojë edhe një anësor të djathtë të mesfushës, një “quinto” tipik për skemën 3-5-2. Alexis Saelemaekers ka dhënë gjithçka dhe më shumë, madje me rendiment të lartë edhe në krahun e majtë, por alternimi është i nevojshëm.
Në listë janë Dodô dhe Niccolò Fortini i Fiorentinës, por jo vetëm. Tare po mban të hapura edhe pista nga La Liga, me kontakte të nisura që në verë. Nuk përjashtohet një surprizë spanjolle, në stilin e operacioneve “low profile” por me potencial të madh.
Sulmi, problemi më i madh: Allegri kërkon peshë, gola dhe siguri
Dështimi, të paktën i deritanishëm, i investimit mbi Santiago Gimenez dhe rendimenti i pamjaftueshëm i Christopher Nkunku kanë lënë Milanin pa pikë referimi përpara. Sot, reparti ofensiv mbahet në këmbë pothuajse vetëm nga Pulisic dhe Leao, të cilët për shkak dëmtimesh rrallëherë kanë luajtur bashkë.
Emrat janë të shumtë: Zirkzee, Gabriel Jesus, Fullkrug. Por në fund, djalli i vërtetë mund të jetë… një ish-interist.
Jo Icardi, Pinamonti: pista italiane bind Allegrin dhe Taren
Mauro Icardi mbetet një ide, por realiteti thotë se sezoni i tij do të mbyllet në Stamboll. Ndërkohë, Milani po vëzhgon me shumë interes Andrea Pinamontin. Klas 1999, I rritur te Interi, formuar mes Frosinone, Genoa dhe Empoli, sot ai është një nga pikat kyçe të Sassuolos.
Tre herë në katër sezonet e fundit në dopioshifër golash në Serie A, Pinamonti përfaqëson profilin perfekt për Allegrin: italian, i fortë fizikisht, i mësuar me kampionatin dhe i gatshëm të japë menjëherë. Çmimi? Rreth 20 milionë euro, por formula e huazimit me të drejtë ose detyrim blerjeje mbetet e hapur.
Jo rastësisht, Milani e ka ndjekur nga afër në “San Siro”, bashkë me mbrojtësit Jay Idzes dhe Tarik Muharemovic, emra të tjerë në radar.
Janari vendos sezonin? Milani nuk mund të gabojë
Kjo nuk është një merkato si gjithë të tjerat. Është merkato e mbijetesës dhe ambicies. Allegri ka dhënë udhëzimet, Tare po kërkon zgjidhjet, drejtuesit janë gati të investojnë. Një mbrojtës, një “quinto”, një sulmues: tre goditje për të shpëtuar sezonin.
Në rrugën Aldo Rossi e dinë mirë: një janar i gabuar do të thotë një pranverë pa ëndrra. Dhe Milani, këtë luks, nuk e ka më.
BËHU PJESË E KLUBIT ONLINE TË TIFOZËVE ROSSONERË, MILANISTAT.com, PËR TË MARRË ÇDO DITË, NË ÇDO MOMENT, TË REJAT MË TË FUNDIT QË REDAKSIA JONË, ME BASHKËPUNËTORË NË MILANO, ROMË, BERLIN, LONDËR DHE NJU JORK J’UA OFRON ME CILËSINË MË TË MIRË. MJAFTON TË KLIKOSH NË LINKUN KËTU>>>>>>, ose TË KLIKOSH NË LINKUN TJETËR KËTU>>>>>>
