Max ia rinis nga mesfusha për t’i rikthyer Milanit identitetin e tij historik: një skuadër që luan futboll. Nuk është vetëm çështje modulesh apo interpretuesish, por filozofie
Nuk është thjesht çështje modulesh apo interpretuesish, por filozofie dhe mister Allegri e njeh mirë Adn-në Milan. Gjatë këtyre ditësh merkatoje, më erdhi në mendje intervista e dhënë nga Allegri më 2021, në studiot e Sky. Midis pyetjeve të ndryshme, trajneri livornez pati shpjeguar në mënyrë të thjeshtë por domethënëse filozofitë e ndryshme të Juventusit dhe Milanit, për arritjen e objektivave. Nga njëra anë, Juventusi synon rezultatin, gjithmonë dhe kudo përmes sakrificës dhe punës së palodhur. Nga ana tjetër, Milani, një klub me filozofi krejt të kundërt, synon rezultatin nëpërmjet fitores, duke bindur, me lojë të bukur, sepse është pjesë e Adn së tij.
Por, jo vetëm teknikë…
Max Allegri nëpër intervista të ndryshme, është përpjekur gjithmonë të kujtojë se mjeti kryesor është topi, se nuk mund të varet vetëm nga teknika, duke filluar nga sektorët e të rinjve. Gjithnjë në atë intervistë të 2021-it, ai vuri në dukje edhe një aspekt tjetër themelor, personalitetin. Max, në fakt, solli në kujtesë se sa “e rëndë” është të luash në San Siro dhe se zgjedhja e lojtarëve duhet të shkojë në atë drejtim, teknik, por me personalitet, sepse përherë ia arrin të dalë nga momentet kritike, apo të zgjidhë ndeshjet.
Jo më një Milan vertikal dhe frenetik: tani edhe me mendim
Gjatë viteve të fundit, Milani është përqendruar shpesh në vertikalitetin e lirë, agresivitetin e lartë dhe intensitetin emocional. Por Allegri, besnik ndaj idesë së tij të kontrollit dhe menaxhimit, preferon që topi të vrapojë, ashtu si dhe lojtarët. Për këtë arsye ai dëshiron një mesfushë me gjeometri, në të cilën secili të njohë zonën e tij të ndikimit dhe të dijë si ta bëjë skuadrën të lëvizë pa ngecje. Mister Allegri, gjatë ndeshjes kërkon cilësi në pasime dhe qartësi në momentet kyçe.
Me cilët lojtarë?
Modric sigurisht që është në gjendje t’i plotësojë këto nevoja, po pastaj? Profili i Ardon Jasharit sigurisht që i përgjigjet plotësisht ideve të Allegrit, ashtu si edhe ai i Granit Xhakës, lojtarë të gjeometrisë dhe që e “dëshirojnë” topin në momente të nxehta, si në kohën e Clarence Seedorf.
Nëse Milani arrin të ndërtojë një mesfushë në lartësinë e vizionit të Allegrit, nuk do të jetë vetëm një skuadër më konkurruese: do të jetë një skuadër më i njohëshme. Rikthimi te cilësia si një parim udhëzues mund t’u japë tifozëve atë ndjenjë identiteti që pati humbur gjatë viteve të fundit. Nuk ka të bëjë vetëm me fitoren, por me ta bërë atë në mënyrën që Milani di ta bëjë: duke luajtur futboll.
