Agoni e ngadaltë, në vend të Piolit na duhet një siguri. Asnjë nga trajnerët e kërkuar nuk është në lartësinë e Milanit

3 gola të tjerë të pësuar gjatë ndeshjes së fundit, e bëjnë edhe më negativ numrin e golave ​​të pësuar: 42 në 35 ndeshje… e pabesueshme. Që do të thotë se mesatarisht këtë vit Milani e ka nisur çdo ndeshje me minus një gol: në këtë mënyrë është shumë e vështirë të sjellësh në shtëpi rezultate.

Edhe në më të fundit ndeshje pati gabime të rënda individuale: Tomori shkakton një penallti absurde pas 3 minutash lojë e më pas ndikon negativisht edhe në 2 golat e tjerë të Genoas. Kemi folur shpesh për Piolin, tani duhet të përqëndrohemi edhe mbi lojtarët. Anglezi duhet t’i japë vetes një ‘wake up’ të mirë, ashtu si pothuajse të gjithë shokët e skuadrës, edhe për nga shpirti ekipor dhe karakteri. Shikoni, Leao, pasi zëvendësohet, shkon direkt në dhomat e zhveshjes, dukshëm i ofenduar nga zëvendësimi: pikësëpari duhet të shqyrtojë ndërgjegjen e tij dhe të kuptojë se si lojtari më i paguar nuk po bën diferencën, përkundrazi.

Sa i përket Piolit, zëvendësimi Thiaw-Chukwueze për të mbrojtur epërsinë dhjetë minuta përpara mbarimit, me 5 mbrojtës, nuk është diçka që mund të bëhet nga Milani. Fajtor, ndër të tjera, duke larguar nga loja lojtarin më në formë gjatë ndeshjeve të fundit. Pastaj, nuk më pëlqeu edhe një imazh: me rastin e golit të Florenzit, Pioli nuk tregoi as më të voglin gjest (qoftë edhe spontan) festimi apo kënaqësie: a thua edhe ai ndihej viktimë e kushedi se çfarë gjëje. Kanë mbetue vetëm 3 ndeshje për ta mbyllur: duhet të mbahemi fort, të gjithë ne që mbështesim Milanin. Momenti është thuajse agonik. Më pas do kthehet faqe.

Problemi, dhe kjo gjë më çmend, është se të gjithë emrat që qarkullojnë për pankinën kuqezi nuk më duket se janë në nivelin e emrit që do të duhet të përfaqësojnë. Klubi sot duhet të ringrihet nga një siguri me një S të madhe: vërdallë qarkullojnë emra dhe ka disa edhe i kemi thënë tashmë. Por nga një mazhorancë analistësh preferohet të shkohet drejt një tekniku të huaj, pra jashtë Serie A, e bashkë me rreziqet që përfshin një operacion i tillë rrezikon të kthehet në një bast. Pra, rrezikohet të ndikohet vërtet që tani edhe në sezonin e ardhshëm, pas një sezoni vërtetë shumë zhgënjyes. Nëse merr një trajner ekzotik, që di pak për Serie A dhe për Milanin, vitin e ardhshëm mund të ndërtosh çfarëdo që të vijë përpara, të mbledhësh çfarëdo që të vijë përpara, pra çfarë të vijë, por nëse shkon keq atëherë do të bëhet nami dhe pastaj vjen dështimi, që në atë moment, do të jetë e plotë.