Adriano Galliani, ja pse tifozët e duan që të kthehet përsëri

Rreth dhjetë ditë më parë, Adriano Galliani, në kuadër të eventit Galà Dinner Benefico “United”, fliste kështu për dyshen e Rossonere, Igli Tare dhe Massimiliano Allegri: Besoj se Tare dhe Allegri janë dyshja e duhur për Milanin dhe nuk kanë nevojë për këshillat e mia”. E megjithatë, ditët e fundit, po hipotezohet shumë për një rikthim të mundshëm të ish administratorit të deleguar kuqezi, ndoshta edhe në rolin e këshilltarit. Nga një anketim i bërë në rrjetet sociale të Milanistat.com, kemi parë që mbi 80% e tifozëve e duan në krye të klubit. Në fakt, e vërteta është që Tare dhe Allegri mund të rrugëtojnë me forcat e tyre, duke pasur parasysh eksperiencën e madhe që kanë, por është po ashtu e vërtetë se të kesh mundësinë e pasjes së mendimit të dikujt që ka bërë historinë e Milanit nuk do të bënte keq.

Efektet dhe dobitë

Sot Adriano Galliani mbush 81 vjeçdhe vitin e kaluar pa Monzën “e tij”  të rrëzohej në Serie B: brianzolët gjithashtu kanë shitur edhe pronësinë e klubit, kështu që mund të ketë kuptim edhe që drejtuesi i lartë dhe i shumëdashur të rikthehet te Milani, në shtëpinë e tij ku ka qenë gjithmonë mirë dhe në skuadrën që ka mbështetur gjithmonë. E kotë të thuhet që rikthimi në shtëpi i një personazhi të nivelit të Gallianit do të kishte përfitime të mëdha. Qoftë edhe për qëndrimin e tij institucional: në Lega Serie A ka qenë gjithmonë i pranishëm dhe ka peshë sportive, politike dhe në përgjithësi marrëdhëniesh, shumë të rëndësishme. Ka pastaj një eksperiencë të jashtzakonshme në menaxhimin mediatik të një klubi, një tjetër aspekt që mund të jetë i dobishëm për Milanin, pas dy-tri vitesh të karakterizuara disi nga konfuzioni.

Një “Po” e madhe

Një mundësi e shtuar përkrah Furlanit dhe Tare cilësinë e këshilltarit, do të ishte pritur me siguri nga një pozitivitet i madh edhe nga tifozët. Gjatë viteve të fundit, shpesh shpesh tifozët Rossonerë (dhe jo vetëm) kanë humbur nga sytë, në brendi të klubit, atë që dikur njihej globalisht si “stili i Milanit”. Ndërsa këtë vit, po flitet shumë për “Milanizmin”. Një ardhje e mundshme e Gallianit do të ishte një hap i madh dhe i vërtetë drejt përpjekjes për të rigjetur këtë frymë antike. Natyrisht, roli i tij do të ishte dytësor dhe nuk mund të imagjinohet ish administratori i deleguar me një rol të dorës së parë, por edhe vetëm duke e patur si këshilltar mund të jetë vërtetë një marsh më shumë për të gjithë Rossonerët.