Zgjedhja befasuese e Alvaro Moratës, që ka vendosur të veshë fanellën me numrin 7, çon në fakt në një indicie të vërtetë merkatoje, duke konfirmuar në mënyrë implicite sesi klubi po punon (dhe po punon fort) për të gjetur një tjetër qendërsulmues për të kompletuar baterinë sulmuese.
Numri 9 në fakt ka mbetur i lirë, me Luka Jovic që ka 15-ën, Colombo dhe Nasti në largim. Dhe deri më sot numri që përfaqëson qendërsulmuesin ka pasur gjithmonë (me suksese të ndryshëm) një pronar: Weah, Kluivert, Comandini, Inzaghi, Pato, Matri, Torres, Destro, Luiz Adriano, Lapadula, André Silva, Higuain, Piatek, Mandzukiç dhe Giroud.
Gjithçka e deritanishme tregon për Niclas Füllkrug, i cili ka të përbashkët me Moratën një detaj: spanjolli ka zgjedhur të njëjtin numër që mban në kombëtaren spanjolle (7) dhe gjermani i Mannschaft është numri 9, ndryshe nga ekipet e klubeve: kështu, Dortmundi përdor numrin 14, Werder Bremen numrin 11 dhe te Hannover numrin 24. Blerja nga verdhezinjtë gjermanë të Serhou Guirassy dhe njëkohësisht edhe prania e Sebatien Haller, përveçse dhe Moukoko, e bën gjermanin të dyshuarin kryesor për largim.
BËHU PJESË E KLUBIT ONLINE MILANISTAT.COM, PËR TË MARRË ÇDO DITË, NË ÇDO MOMENT TË DITËS, TË REJAT MË TË FUNDIT QË REDAKSIA MILANISTAT.COM, ME BASHKËPUNËTORË NË ROMË, MILANO, BERLIN, LONDËR DHE NJU JORK, MUND T’JU OFROJË NË ÇDO MOMENT TË DITËS. MJAFTON TË KLIKOSH NË LINKUN KËTU>>>>, OSE TË KLIKOSH KËTU>>>>
Deri më tani kemi regjistruar një hapje të lojtarit për destinacionin kuqezi. Kuqezinjtë e preferojnë më shumë se Tammy Abrahamin e Romës, sepse është më funksional në lojën e Fonsekës dhe mbi të gjitha më pak i kushtueshëm. Dortmundi kërkon rreth 15 milionë për qendërsulmuesin gjerman, ndërsa verdhekuqtë kërkojnë minimalisht 25 milionë për anglezin. Gjatë ditët në vijim do të zbulojmë nëse do të jetë ai numri 9 i ardhshëm i Djallit.
